Ústimizdegi jyldyń 1-sáýirinde Almaty qalasyndaǵy Balýan Sholaq atyndaǵy sport saraıynda, «Alash Ordanyń» 100-jyldyǵyna oraılastyrylǵan, aralas jekpe-jekten aýqymdy «ALASH AIBARY» Halyqaralyq Týrnıri ótedi. Sport saıysyn Almaty qalasy ákimdiginiń  qoldaýymen, Orta Azıadaǵy eń úzdik promoýshenderdiń biri «Alash Pride FC» uıymdastyryp otyr.

Atalmysh týrnırde Qazaqstan, Brazılıa, Grekıa, Reseı, Belorýssıa, Ýkraına, Ázirbaıjan, Ózbekstan jáne Qyrǵyzstan  elderiniń segizburyshta suryptalǵan jekpe-jek sheberleri óner kórsetedi.

12 jekpe-jekten turatyn týrnır barysynda  «Alash Praıd» tujyrymy boıynsha 61 keli salmaqta Qazaqstan chempıony anyqtalady. Sheshýshi fınaldyq kezdesýde Jasulan Qaraqulov pen Ilár Asqanov altyn belbeýdi ózara sarapqa salady.Sondaı-aq , «Alash Praıdtyń» tájirıbeli ókili Erjan Estanov belarýs Sergeı Sınkevıchtiń shamasyn baıqaıdy. Taǵy bir talantty sportshymyz Erlan Tleýmbetov basty kezdesýde brazılıalyq  Luciano Palhano aıqassa,osyǵan deıin jeńilistiń ashshy dámin tatpaǵan Sýleıman Isaev grekıalyq Klaýdıo Vekanımen kúsh synasady. Aýyr salmaqtaǵy  alyptarymyz Evgenıı Egemberdıev pen Asyljan Baqytjanulyna tıisinshe reseılikter Ivan Lýkın men Alekseı Kıser qarsy turady. «Alash Praıd» tujyrymy boıynsha 57 keli salmaqtaǵy Qazaqstan chempıony Shyńǵys Qaıranov ýkraın jigiti Alekseı Naýmovqa ushqyr jebesin darytýǵa tyrysady.Osy salmaqtaǵy taǵy bir talantty jigitimiz Asý Almabaev ázirbaıjan ókili Mehman Mamedovpen kezdesedi.Osy keshtegi ózge jekpe-jekter de  qalyń jankúıer kóńilinen shyǵady dep  senemiz. Jan alysyp, jan berisken adýyndy aıqastardy elimizdiń «Habar» jáne Reseıdiń «Boks TV» arnalary tikeleı efırde kórsetetin bolady.   Jarystyń bastalý ýaqyty keshki saǵat 19.00-de. Alty Alashtyń rýhyn kóterer jekpe-jek keshinen qapy qalmańyz aǵaıyn.

      «ALASH AIBARY» Halyqaralyq Týrnıriniń resmı salmaq ólsheý rásimi  31 naýryzda saǵat 11:00 de, «Mega Park Almaty» saýda oıyn-saýyq kesheninde ótedi.

«ALASH AIBARY» HALYQARALYQ TÝRNIRİNE QATYSÝSHYLARDYŃ

TOLYQ TİZİMİ :

1. 73 kg – Jandos «Qasqyr» Isabekov – Bek «Pan» Abylda (Qyrǵyzstan)
2. 65,8 kg - Mýrat «Kókpar» Bahtorazov - Alı «Varvar» Mamıev (Reseı)
3. 56,7 kg – Baqtıar «Túrikpen» Nesipbek - Farıd Babazade (Ázirbaıjan)
4. 65,8 kg – Igor «Zolotoı tıgr» Jırkov - Ratmır Teývajýkov (Reseı)
5. 56,7 kg – Asý «Zýlfıkar» Almabaev – Mehman Mamedov (Ázirbaıjan)
6. 61,2 kg – Ilár «Dınamıt» Asqanov – Jasulan «Aqqoıly» Qaraqulov – fınal
7. 56,7 kg - Shyńǵys «Shah qazaq» Qaıranov – Alekseı «Arıs» Naýmov (Ýkraına)
8. +93 kg – Asyljan «Sak» Baqytjanuly – Alekseı «Vyshıbala» Kıser (Reseı)
9. 70,3 kg - Sýleıman «Velıkolepnyı» Isaev - Klaudio Vecani  (Gresıa)
10. 65,8 kg - Erjan «Arlan» Estanov – Sergeı Sınkeevıch (Belorýsıa)
11. 93kg – Evgenıı «Metıs» Egemberdıev – Ivan Lýkın (Reseı)
12. 70,3 kg - Erlan «Lev» Tleýmbetov – Luciano Palhano (Brazılıa)