Úndistanda erekshe sábı dúnıege keldi. Balanyń anasy Halıda Begým alǵash ret ulynyń bet álpetin kórgende shoshyp ketti. Tipti  bastapqy kezde ony emizýden bas tartty.

Ol 4 balanyń anasy. Buǵan deıingi balalardyń basqalarynan eshqandaı aıyrmashylyǵy joq. Jergilikti dárigerlerdiń úndilik balaǵa qoıǵan dıagnozy – ıhtıoz arlekına,  anensefalıa jáne bas mıynyń  damýynda úlken aqaý bar ekenin aıtqan. Mundaı dıagnozben ádette sábıler birneshe apta ǵana ómir súredi eken. Desek te, anensefalymen eki jyl ómir súrgen bala bar.

Halıda Begým balasyn «ózge planetalyq» dep ataıdy. Ol sábıiniń nelikten bulaı dúnıege kelgenin túsinbeıdi. Al ákesi atalmysh jaǵdaıdy qudaıdyń jazasy dep eseptese, jergilikti turǵyndar sábıdi kórip qýanyshyn jasyrmady. Olar sábıdi ózderiniń senetin Hanýmana qudaıyna uqsaıtynyna qýandy. Ony kórý úshin adamdar Úndistannyń túkpir-túkpirinen kele bastady.