Qazaqstandyq Maksım Aryshev Sankt-Peterbýrg metrosynda bolǵan joıqyn jarylysta kóz jumdy. 20 jastaǵy Maksım Sankt-Peterbýrg memlekettik ekonomıkalyq ýnıversıtetiniń 3 kýrsynda oqyǵan.  
Maksım Aryshevtiń týystary marqumnyń denesin tanydy. Bul rette Bas konsýldyq tarapynan Sankt-Peterbýrg qalasynyń ákimshiligi, quqyq qorǵaý organdary birlesip Maksım Aryshevtiń týysqandarynyń jarylys qurbanynyń denesin aıǵaqtaýǵa barýy uıymdastyryldy. 
Aıta keteıik, Sankt-Peterbýrg metrosyndaǵy jarylys 3 sáýir kúni «Sennaıa ploshad» jáne «Tehnologıalyq ýnıversıtet» stansıalarynyń arasynda júrip bara jatqanda bolǵan. Sońǵy málimetterge saı, jarylys saldarynan 14 adam qaza taýyp, 51 adam jaraqat alǵan.

Esterińizge sala keteıik, Reseıdiń BAQ ókilderi qazaqstandyq sýtdentti jankeshti lańkes bolýy múmkin degen boljam jasaǵan.