QHR Halyq aqyny, Altaıdyń asaý aqyny Erjanat Baıqabaı jaqynda Atajurtqa bir jola oralǵan edi. Ol kele sala «Júrekke túsken jol» atty shyǵarmashylyq keshin ótkizgen bolatyn. 25 naýryzda Almaty qalasyndaǵy Jambyl atyndaǵy Qazaq memlekettik fılarmonıasynda ótken shyǵarmashylyq keshte Erjanat Baıqabaıdyń «Júrekke túsken jol» atty jyr jınaǵynyń tusaýy kesildi. Qazaq poezıasynyń asqaq tulǵalarynyń biri Járken Bódeshuly men Erjanattyń óleń men ónerdegi ustazdary aqyn Qaırat Qul-Muhammed men Ábdiǵanı Bázilhanuly jáne Qazaqstan jazýshylar odaǵy tóraǵasynyń orynbasary Janarbek Áshimjan kitaptyń tusaýyn kesti.

«Qamshy» aqparat agenttigi aıtystyń arystany Bekarys Shoıbektiń shákirti Shuǵaıyp Sezimhan men kesh ıesiniń aıtysyn oqyrman nazaryna usynady.

Aıta ketsek, Jambyl atyndaǵy Memlekettik fılarmonıasynda bolyp ótken shyǵarmashylyq keshke tanymal óner juldyzdary qatysty. Keshti aqyn Baqyt Bedelhan júrgizip, Qajymurat Sheshenqul, Nurlan men Shaba, Aqqý men Gúlnaz, Zıat pen Bıbigúl, Janat Nursultan syndy ónerpaz ánshiler aqynnyń sózine jazylǵan bir qatar ánder oryndady. Sonymen birge T.Júrgenov atyndaǵy óner akademıasynyń stýdentteri kesh ıesiniń óleńderin áserli kompozısıamen árledi. Kesh ıesi óziniń tolǵaýlary men óleńderinen kórermenine shashý shashty.