SHQO-da jynysyn aýystyrǵan er adamnyń jańa tólqujat alyp, resmı túrde áıelge aınalǵan jaǵdaı birinshi ret tirkelip otyr, dep habarlaıdy «Ekspress-k» basylymy. Málimettiń qazaqsha nusqasyn «Qamshy» aqparattyq agenttigi oqyrman nazaryna usynady.

Esimin Nadá dep ataǵan er azamattyń jasy 35-te.

Bolashaq Nadá jaqsy otbasyda tárbıelengen. Sportqa qyzyǵatyn ákesi balasyn naǵyz er azamat etip ósirgisi kelgen. Alaıda, Nadányń kóńili kishkentaıynan qyzdardyń kóılegi men oıyndar qyzyqtyrǵan. Keıinnen, óse kele jasóspirim óziniń syrtqy kelbeti men ishki jan dúnıesiniń arasynda tańdaý jasaı almaı, qatty qınalǵan eken. Ol óz oıyn jeńgisi kelip qansha tyryssa da, qolynan túk kelmepti.

Er adam, tipti, úılenip te kórgen, alaıda munyń da paıdasy asa kóp tıe qoımaǵan. Tanystary oǵan medısınalyq kómekke júginýge keńes bergen. Ol máskeýlik ǵylymı psıhıatrıalyq ortalyqqa baryp, tekserilgen, biraq oǵan psıhıkalyq aýrýy joq, gomoseksýaldyqtyń belgileri bar degen dıagnoz qoıady.

Keıinnen bolashaq Nadá túrli gormondardy qabyldap, qyzǵa uqsaı bastaıdy. Er adamnyń syrt kelbeti áıelge uqsaǵanymen, ol hırýrgıalyq kómekten bas tartqan.

Osy sátten bastap áıelge aınalǵan erkektiń ómiri naǵyz tozaqqa aınalady. Jynysyn aýystyrý otasy jasalmaǵandyqtan, oǵan áıel adamnyń qujaty men esimin bermeı qoıǵan.

Sol sátte Nadá sotqa júgingen, onyń isi Anna Lenyh esimdi advokatty qyzyqtyryp, eshkim de adamdy ota jasaýǵa kúshtep mindetteı almaıtyndyǵyn dáleldep shyqqan. Bul Densaýlyq saqtaý mınıstrliginiń zańyna sáıkes bolǵanymen, QR Konstıtýsıalyq zańyna qarsy bolyp otyr. Nadá men onyń qorǵaýshysy Almatydaǵy myqty psıhıatrdyń kómegine júginip, aqyr sońynda eshbir otasyz ózin basqa jynysqa aýystyrýǵa bolatyndyǵyn dáleldep shyqqan. Osynyń arqasynda, Nadá jańa tólqujat alyp, basqa da qujattaryn aýystyrý ústinde.

Aýdarǵan: Nazerke Labıhan