Osydan 7 jyl buryn Shymkent qalasynda bolǵan aýyr qylmys jarty saǵattyń ishinde sheshimin tapty dep habarlaıdy ainanews.kz basylymy. Málimettiń qazaqsha nusqasyn "Qamshy" aqparattyq agenttigi oqyrman nazaryna usynady.
2010 jyly Shymkent qalasynyń bank qyzmetkeri 590 mıllıon teńge urlady degen aıyppen halyqaralyq deńgeıde izdeýge salynǵan bolatyn.Osy ýaqytqa deıin ol polısıa qyzmetkerlerinen qashyp izin sýytý úshin Ýkraına, Reseı, Túrkıa jáne Eýropanyń basqa da qalalaryn panalaǵan.
Shymkent qalasynda áıeli jáne eki balasy qalǵan. Osy ýaqyt aralyǵynda ol da, otbasy da joqshylyqtyń ne ekenin bilmegen. Onyń qujatyndaǵy mórler onyń ushaq arqyly el aralap, saıahat jasaǵanyn dáleldeı túsedi.
Ol otbasymen 7 jyldyń ishinde úsh ret Almaty qalasynda kezdesken, biraq tórtinshi ret kezdesý ol oılaǵandaı sátti aıaqtalmady. Qazaqstannyń shekarasyn kesip ótemin degen oıy da iske aspady. Qashqyn aıtarlyqtaı júdep qalǵan, shash úlgisi de adam tanymastaı ózgergen eken.
Ol 23 naýryz kúni tanystarymen birge Infiniti jeńil kóligi arqyly Reseı shekarasyn ońaılyqpen kesip ótken. Al qazaqstandyq shekara qyzmetkerleri onyń jalǵan qujatynan kúmándanǵan. Qujatta Ózbekstan azamaty Maqsat Aımatov dep jazylǵan. Shekaradan óter kezde qashqyn óz-ózine asa senimdi bolǵan.
Polısıa qyzmetkerleri qashqynnyń qujattary kásibı túrde jasalǵandyǵyn alǵa tartyp, ony qolǵa túsirý qıyn bolǵandyǵyn aıtady. Sonymen birge onyń syrtqy kelbeti óte qatty ózgergendigi de qosymsha sebep bolyp otyr. Osy oqıǵaǵa baılanysty qazaqstandyq shekarashylar ózderiniń kásibı sheberlikterin dáleldeı tústi.
Keıin Qostanaı oblysynyń İİB saýsaq belgileri arqyly Shymkent qalasynda izdeý salynǵan qashqyn-mıllıoner, burynǵy bank qyzmetkeri ekendigin anyqtady. Birneshe kúnnen keıin barlyq qujattar jınaqtalyp Maqsat Aımatov Shymkent qalasynyń polısıa qyzmetkerlerine tapsyryldy.
Tergeý júrgizý barysynda ol aqshany bólip-bólip 70 – 90 mıllıon teńgelep alǵandyǵy belgili boldy. Otbasyn sol aqshanyń bir bóligimen asyraǵan, qalǵan aqshany kazıno oınap óz qyzyǵýshylyǵyna jumsaǵan. Otbasymen kezdesý úshin zańsyz túrde shekaradan ótý barysynda qylmys belgili bolyp, óz erkimen berilendegi málimdendi.
Aýdarǵan: Ásel Óteshova
