Reseıde kezekti jarylys oryn aldy. Bul joly Don boıyndaǵy Rostov qalasynyń ortalyǵynda boldy, dep habarlaıdy «Qamshy» portaly.
TASS agenttiginiń habarlaýynsha, Rostov qalasynyń ortalyǵynda jarylys bolyp, saldarynan bir er adam jaralandy. Keýde tusyn kúıik shalyp, bir saýsaǵynan aıyrylǵan er adam dereý aýrýhanaǵa jetkizildi.
Polıseı qyzmetkerleri oqıǵa ornyna jedel attandy. Naqtylanǵan aqparatqa súıensek, tótenshe jaǵdaı Sosıalısıcheskıı kóshesiniń boıyndaǵy mektep mańynda tańǵy 7:00-de bolǵan.
«№ 5 lıseı kúzetshisi mektep aýmaǵyn aralap júrgen kezde jerde qalta shamyna uqsas zat jatqanyn baıqaǵan. Ony kótere bergende, jarylys boldy», - dep jazady BAQ.
Qazir atalǵan iske qatysty tergeý jumystary júrgizilip jatyr.
