Orta salmaqta WBO tujyrymy boıynsha ulybrıtanıalyq boksshy Bıllı Djo Sonderstiń promoýteri Frenk Ýorren Gennadıı Golovkınniń jaraqat alyp qalýyna baılanysty kelissózder sozylyp ketkenin málimdedi, - dep habarlaıdy vesti.kz portaly.
"Bizge Golovkınniń jaraqat alyp qalǵanyn aıtty. Munyń nege alyp keletinin kóreıik. Osy jekpe-jekti uıymdastyrý úshin biz qoldan kelgenniń barlyǵyn jasadyq. Bıllı onymen judyryqtasýǵa laıyqty. Bıllıdiń qaltasynda árdaıym qalamy daıyn júredi. Ol kez kelgen boksshymen judyryqtasýǵa kelisimin beredi. Qazirgi ýaqytta barlyǵy sozylyp ketti", - dedi Ýorren. 
Aıta keteıik, Gennadıı Golovkın orta salmaqta WBA (Super), IBO, WBC jáne IBF tujyrymdary boıynsha álem chempıony jáne oǵan osy salmaq dárejesinde barlyq belbeýlerdiń basyn qosý úshin tek Sonderstiń WBO tıtýly jetispeıdi. Insaıderlik aqparat boıynsha, BAQ betterinde Golovkın - Sonders jekpe-jegi Astanada 17 maýsymda EXPO-2017 halyqaralyq kórmesi kúnderi ótetini habarlandy. Qazaqstandyq boksshy men meksıkalyq Saýl "Kanelo" Alvares arasyndaǵy jekpe-jek qyrkúıekte ótedi dep boljanady, alaıda kelissózder áli de júrip jatyr.