Úndistanda maımyldardyń arasynda ómir súrgen, sóıleı de, júre de almaıtyn 10-12 jastaǵy qyz tabyldy, dep habarlaıdy Qamshy aqparattyq agenttigi

Assoshıeıted Pres agenttiginiń habaralaýynsha, Úndistannyń soltústik aımaǵynan polıseıler áli kúnge deıin eńbekteıtin 10-12 jastaǵy qyz taýyp alǵan. Ol adamdarmen tildese almaıdy eken, óz betinshe tamaqtana da almaıdy. Esesine, jan-janýarlarmen túsinisý úshin ártúrli daýys shyǵarady. Tipti, jurt ony «Maýglı» dep atap ketken eken.

Ony eń birinshi orman aǵash kesýshileri baıqap qalǵan eken. Artynsha ınspektor Sýresh Iadav ony kóligimen qalaǵa alyp kelgen.

«Sońǵy eki aıdan beri qyz aýrýhanada jatyr. Ol aýrýhanada janýarlar sekildi qozǵalyp, tamaqty qoldyń kómeginsiz jedi. Em-dom sharalarynan keıin ornynan turyp, adam sekildi júre bastady. Ókinishke oraı, áli sóıleı almaıdy. Biraq aıtqandaryńyzdy túsinip, kúlimsireıdi», – deıdi bas dáriger Sıngh myrza.

Inspektordyń aıtýynsha, qyz adamdardy kórgende qatty qorqady eken. Otbasy qyzdy ormanǵa tym kishkentaı kezinde tastap ketken sekildi.