2017 jylǵy 5 sáýirden bastap Astana qalasyndaǵy «QazMunaıGaz»  JMQS-ynda pılotty rejımde elektrondyq talondar júıesi jumysyn bastady dep habarlaıdy Qamshy aqparattyq agenttigi «QazMunaıGaz Ónimderi» JSHS halyqpen baılanys jáne jarnama jónindegi qyzmetine silteme jasap.

Elektrondyq talon – bul sıfrlyq qujat, kodynda munaı ónimderiniń túri (benzın, dızel otyny) men kólemi, sondaı-aq onyń jaramdylyq merzimi shıfrlanǵan.

Elektrondyq talondar júıesi satyp alýshyǵa munaı ónimderine tólem engizgennen keıin elektrondyq derekter bazasynda árbir naqty satyp alýshyǵa berilgen biregeı nómirmen (kodpen) talondy alýǵa múmkindik beredi, satyp alýshy elektrondyq talondy basyp shyǵaryp, «QazMunaıGaz» JMQS-da otynnyń tapsyrylǵan kólemin alady. Aldaǵy ýaqytta júıe uıaly telefonnan elektrondyq talon kodyn oqyp alýdy qarastyrady.

 Klıent Jeke kabınette www.azskmg.kz saıtynda ózdiginen mundaı talondy jasap, oǵan tólem jasaı alady. Iaǵnı, klıent otynnyń tólem nysany retinde elektrondyq talondy tańdap, keńse jumysyn eleýli únemdeıdi – Jeke kabınet arqyly talondardy aktıvtendirý jáne buǵattaý, jaramdylyq merzimi men kólemdi belgileý, sondaı-aq onlaın rejıminde basqarýshylyq eseptilikti alýy múmkin. Bul klıentke kim, qaı jerde, qansha jáne qandaı baǵamen otyndy quıyp alǵandyǵyn bilýine múmkindik beredi.

«Kompanıa barynsha qolaıly servısterdi qura otyryp, klıentterdiń barlyq qajettiligin eskerýge umtylady, - dep atap ótti «QazMunaıGaz Ónimderi» JSHS Munaı ónimderin ótkizý departamentiniń dırektory Iýlıa Jernakova. Onyń aıtýynsha, talondar jumysynyń ereksheligi otyn berýdiń basqa da mehanızmin paıdalanýǵa múmkindik bermeıtin birneshe memlekettik jáne jeke kompanıalar úshin talap etilgen qural bolyp qalady. «Jańa júıeni engizý negizgi kemshilikterden – JMQS-da saqtaý, taratý, ınkasasıalaý, qaıta esepteý, óteý jáne taǵy basqalaryn qolmen óńdeý eńbeginiń úlken kólemin boldyrmaýǵa múmkindik bere otyryp, talondardyń basty artyqshylyqtaryn – esep pen mólsherleýdiń qarapaıymdylyǵyn saqtaıdy, - dep atap ótti ol. – Búgin pılotty joba aıasynda zańdy tulǵalar Astana qalasyndaǵy satý keńselerinde elektrondyq talondardy satyp ala alady. Jeke tulǵalar kez kelgen óńirde – Jeke kabınet arqyly satyp ala alady. Talondar búkil Qazaqstan boıynsha «QazMunaıGaz» JMQS qabyldanady».

2016 jyldyń sońynda «QazMunaıGaz Ónimderi» JSHS klıentterge qyzmet kórsetý kezinde qaǵaz talondardy paıdalanýdan bas tartatyndyǵyn jarıalady. Qazirgi ýaqytta «QazMunaıGaz» JMQS jelisinde otyn kartasynyń júıesi qoldanylady, otyn tólemi úshin QR-kodyn paıdalaný boıynsha pılotty joba bastaldy, endi elektrondyq talondar júıesin engizý bastalyp ketti.