Oraldyń shalǵaıdaǵy (Zashaǵan, Derkól) aýdandary sanıtarlyq normaǵa jaýap beretin taza sýdy paıdalanýǵa múmkindik aldy dep habarlaıdy Qamshy aqparattyq agenttigi. «Batys Sý Arnasy» JSHS zamanaýı elektrolız stansıasyn iske qosty. Bul jerde sýdy gaz túrindegi hlordy qoldanbaı, qaýipsiz natrıı gıpohlorıdine kóshý arqyly zarazsyzdandyrady. Mundaı tazalaý ádisine birte-birte Oraldyń jer asty sý jınaý  jáne  sý tazartý qubyrlary da kóshedi.

«Batys Sý Arnasy» JSHS-niń keleshektegi damýy jóninde jáne jyldyń qorytyndysy týraly jýrnalıserge Oraldyń sýmen jabdyqtaý nysandaryna júrgizilgen baspasóz týry kezinde baıandaldy.  Qalada jańa stansıa salý jobasyn basqarýshy kompanıa «Sý resýrstary-Oral Marketıń» KKJ JSHS bastamasy boıynsha iske asyrdy. 

«4 jyl buryn Qazaqstanda turǵyn úı sharýashylyq júıesin keshendi jańǵyrtý bastaldy. Onyń ishine sý arnalaryn jańǵyrtý da kirdi. Búgingi tańda paıda ákeletin sý arnalary saýsaqpen sanarlyq. Mysaly, osyndaı jetistikterge Almaty, Shymkent jáne basqa da birneshe óńirler qol jetkize aldy. Biz qazir osy qalalardyń oń nátıjeli tájrıbesin qoldanýdamyz», -  dedi «Batys Sý Arnasy» JSHS-niń dırektory Shýnaev Esjan.

«Batys Sý Arnasy» JSHS 2016 jylǵa deıin komýnaldyq menshikte boldy.
Bir jyl buryn kásiporyn «Sý resýrstary-Oral Marketıń» KKJ JSHS-ne senimgerlik basqarýǵa berildi. Burynǵysha qalalyq ákimshiliktiń qaramaǵynda. Basqarýshy kompanıanyń mindeti - aldyńǵy qatarly tehnologıalardy engizý, óndiristik úrdisterdi basqarý jáne vodokanaldy paıdaǵa shyǵarý. Kompanıa óz jumysy týraly esepti baqylaý-tekserýshi organdarǵa jáne ákimshilikke turaqty tapsyryp otyrady jáne ashyq jumys jasaıdy.

Kompanıanyń senimgerlik basqarýdaǵy jumysy tipti birinshi jyly aq jaqsy nátıje berdi. Aldyn-ala qarjylyq esepshilik boıynsha  negizgi qyzmetten túsken tabys 2015 jylmen salystarǵanda (1 mlrd 843 mln) 446 mln teńgege ósti jáne 2 mlrd 289 mln teńgeni qurady. Basqa qyzmetten túsken tabys 18,1 mıllıon teńgege ósti: 2015 jylǵy 24,7 mln-nan 2016 jyly 42,8 mln-ǵa deıin. Kompanıanyń jalpy tabystylyǵy 2015 jylǵy 138 885 myń teńge mólsherindegi jalpy kiris kórsetkishimen salystyrǵanda 2016 jyly 7,8 % (175 261 myń teńge) qurady. Baqylaýdyń nátıjesi kompanıanyń qyzmetterdi az shyǵyndarmen kórsetetindigin qorytyndylady. Iaǵnı, tabys bóliginiń ósýi 27 %, sonymen birge 2015 jylǵy kórsetkishtermen salystyrǵanda kórsetiletin qyzmetterdiń ózindik qunynyń ósýi 7 %  qurady. Kompanıanyń 2016 jyldaǵy jumys nátıjesi 2015 jyldaǵy 650 105 myń teńge somasyndaǵy zıanmen salystyrǵanda,  zıannyń  kólemi  279 664 myń teńgege deıin tómendetildi. Nátıjege basqarýshy kompanıa  qyzmetkerleriniń   jáne "Batys Sý Arnasy" JSHS qyzmetkerleriniń  jónge salynǵan  kásibı jumysynyń arqasynda qol jetkizildi. 

«Qazaq Sýarnajoba» AQ, sýmen jabdyqtaýdy jobalaý boıynsha mamandandyrylǵan profıldi memlekettik ınstıtýttyń qorytyndysy jáne aldyn-ala esepteýler boıynsha, Oral sý arnasyn jańǵyrtýǵa  shamamen 84 mlrd teńge qajet.

«Sý resýrstary-Oral Marketıń» KKJ JSHS dırektory Anatolıı Prokýdın: «Sýmen jabdyqtaý jáne sý tartý júıelerin jańǵyrtý aıasynda eń mańyzdy qandaı jobalardy iske asyramyz? Jelilierdi kúrdeli jóndeýden ótkizý, tazartqysh ǵımarattardy qaıta qurý (70 jyldary salynǵan qalalyq kolektorlar), sonymen qatar demanganasıa jáne jańa súzgi stansasyn salý. Úıge ortaq esepteý aspaptary jáne kótergish qosalqy stansıalarynda sýdy esepke alý júıesi avtomattandyrylady.

Biz jelilerdiń kúıine saraptama jasadyq, arhıtektýra jáne qala qurylysy qyzmeti jónindegi zańnamaǵa sáıkes  jobalyq qujattama daıyndap jatyrmyz, qarjy kózin anyqtaımyz. Jınalyp qalǵan máselelerdi bir mezette sheshýge bolmaıdy. Sondyqtan ınvestısıalyq baǵdarlama 2031 jylǵa deıin kezeń-kezeńmen júrgiziledi» - dep túsindirdi.

2016 jyly «Nurly Jol» baǵdarlamasy aıasynda 1400 metrden astam  sý qubyrlaryna jáne úlken dıametrli káriz jelisine qaıta qurý jumystary júrgizildi. Baǵdarlama aıasynda bólinetin aqshalaı qarajat qaıtarylady, ıaǵnı, «Batys Sý Arnasy» JSHS alǵan nesıesin óteýi qajet. «Karachaganak Petroleým Opereıtıng» qarajaty esebinen Evrazıa kóshesi boıynda uzyndyǵy 1400 metr ózdiginen aǵatyn kanalızasıa kolektoryna, Evrazıa dańǵyly boıyndaǵy 2-shi bazadan Dostyq dańǵylyna deıingi 3444 metr ózdiginen aǵatyn kanalızasıa kolektoryna  qaıta qurý jumystary júrgizildi.

«Batys Sý Arnasy» JSHS sýmen qamtamasyz etýdi baqylaý jáne esepke alý júıelerin avtomattandyrý jumystaryn bastady. Kásiporynda esepke alynbaǵan shyǵyndarmen nemese sý shyǵynymen kúresedi.  Júzden astam úıdi zamanaýı esepke alý aspaptarymen jabdyqtaıdy, osyndaı aspaptardy toraptyq stansıalarda da ornatady.

Tehnıka komýnaldyq jelilerdegi júktemeni esepteýge, sýdyń qysymyn belgili bir deńgeıde ustaǵa múmkindik beredi.

Mamandar – Qazaqstan 2012 jyldan bastap  sýarnalaryn óteýsiz qarjylandyrýdan aýytqı bastaǵandyǵyn málimdeıdi. Qazir bul salada «Nurly Jol» baǵdarlmasy aıasynda búdjettik qarjylandyrý jáne halyqaralyq qarjy uıymdarynyń zaemyn tartý arqyly qaıtarymdy qarjylandyrý tetikteri jumys isteıdi.

«Batys Sý Arnasy» JSHS «senimgerlik basqarý kásiporynnyń damýy úshin jańa múmkindikter ashady» – deıdi. 

Tıimdi menedjment kómegimen Oraldaǵy sýarna shyǵynsyzdyq núktesine shyǵýǵa tıis jáne ınvestısıalyq tartymdy bola alady.

Aıta keteıik, «Batys Sý Arnasy» JSHS – 1961 jyly salynyp, paıdalanýǵa berilgen qalalyq sý jınaýdyń quqyqtyq murageri. Qazir Orlady sýmen qamtamasyz etý 2 kózden júrgiziledi: Oral ózeninen jáne 29 jer asty uńǵymalarynan. Kásiporyn 429,7 kılometr magıstraldi sý qubyryna jáne 362,3 km káriz jelisine qyzmet kórsetedi.

«Sý resýrstary-Oral Marketıń». Basqarma. Konsaltıń. Injınırıń».

«Sý resýrstary-Marketıng» JSHS KKS franchaızıń sharty boıynsha jumys isteıtin basqarýshy kompanıa.

 Kompanıa mamandarynyń Qazaqstannyń basqa qalalarynda sý arnalaryn basqarý boıynsha tájirıbesi mol jáne sýmen jabdyqtaý salalaryna halyqaralyq qarjy ınstıtýttarynan zaemdar tartý boıynsha tájirıbesi  mol.