Ekonomıs Aıdarhan Qusaıynov QR Ulttyq bank tóraǵasynyń keńesshisi bolyp taǵaıyndaldy, - dep habarlaıdy Qamshy aqparattyq agenttigi Tengrinews.kz portalyna silteme jasap.
Ulttyq bank ókilderi bul málimetti rastady.
Qusaıynov Aıdarhan Maratuly - "Almagest" kompanıasynyń bas dırektory, Reseı men Qazaqstan Táýelsiz dırektorlar asosıasıasynyń múshesi. 1995-1998 jyldary "KBS Group" kompanıasynda jumys istegen. Onda bıznestiń konsýltasıalyq baǵytyn damytýmen aınalysqan.
1998-2002 jyldary "QazTransOıl", "QazTransGaz" kompanıalarynda ınovasıalyq jobalar departamentiniń dırektory, strategıalyq josparlaý men damý jónindegi atqarýshy dırektor jáne taǵy da basqa qyzmetterdi atqarǵan.
2002-2003 jyldary QR Energetıka jáne mıneraldy resýrstar mınıstrliginde gaz ónerkásibi departamentiniń dırektory boldy.
2004 jyldan bastan munaı, taý-ken ónerkásibi men munaı-hımıa salasyn damytý, jobalardy satý men satyp alý boıynsha jeke keńes berý qyzmetin kórsetken.
