Tanymal ánshi Qajymurat Sheshenqululy sáýirdiń 10-ynda Stýdentter saraıynda «Týǵan el» atty shyǵarmashylyq keshin ótkizedi dep habarlaıdy Qamshy.kz

Shyǵarmashylyq keshitiń ereksheligi týraly Qamshy agenttigi tilshisiniń suraǵyna ánshi:

«Sahnada júrgenime 13 jyl boldy. Bul alǵashqy kásiptik deńgeıdegi keshim bolmaq.  Halyqty stıldegi ózgermegen, eliktemegen áýender shyrqalady. Bastysy qytaı qazaqtarynyń qaımaǵy buzylmaǵan áýenderi Ansámblmen aıtylady. Konsertte Roza Álqoja, Aıqyn Tólepbergen, Maqsat Bazarbaev, Arýjan Tastekeı, Aqjol Meıirbekov, Tóreǵalı Tóráli sıaqty sıaqty ánshiler óner kórstip, Qarajorǵanyń naqty tarıhy tanystyrylyp, arnaıy qoılym qoıylady», - deıdi.

Aıta ketetin bolsaq, Qajymurat Sheshenqululy Qytaı qazaqtary arasynan shyqqan tanymal ánshi. Ol 2000 jyldardyń basynda jaryq etip shyǵyp, bólek bolmysymen, dara jolymen tyńdarmandarynyń júregine jol tapqan.

Birneshe jyl buryn Atajurtqa oralǵan ol erkin shyǵarmashylyq jumyspen aınalysyp keledi. Byltyr Monǵolıada Baıan-Ólgeıde 1500 adamdyq zalda eki ret konsert qoıǵan. Qobda aımaǵynda, Bulǵynda, eń sońynda Ulanbatyrda 2500 adamdyq zalda konsert berdi. Sondaı-aq ótken jyly Eýropada gastroldik saparda, Germanıada, Keln qalasynda bolyp, «Qara jorǵa» ánin shyrqap keldi. Oǵan qosa birneshe fılmde ishinara rólder alyp, akterlik jaǵynan da óz qyryn kórsetti. Atap aıtqanda "Habar" arnasyndaǵy "Taǵdyr tartysy" telehıkaıasyna tústi.

Qajymurat Sheshenquldyń «Seni ǵana» atty áni shyqqanyna on jyldan assa da jastar arasynda áli tanymal. Ánshiniń shyǵarmashylyq keshine barshańyzdy shaqyramyz.

Erlan Tóleýbaı