Búgin «QazAqparat» halyqaralyq aqparat agenttiginiń bas dırektory qyzmetine Asqar Omarov taǵaıyndaldy. Jańa basshyny agenttik ujymyna QR Aqparat jáne komýnıkasıalar vıse-mınıstri Alan Ájibaev tanystyrdy, dep habarlaıdy QazAqparat.

Asqar Omarov 1976 jyly Almaty qalasynda dúnıege kelgen. «Turan» ýnıversıtetinde halyqaralyq ekonomıkalyq qatynastar mamandyǵy boıynsha bilim alǵan. Ár jyldary  «Novostı Nedelı» JSHS-nyń tilshisi, saıasat bóliminiń meńgerýshisi (2001-2004 jyldary), «Qazaqstan» RTRK» AQ Aqparattyq-saraptamalyq baǵdarlamalar dıreksıasynyń shef-redaktory, dırektordyń orynbasary (2004-2006 jyldary), «QazMunaıGaz» UK» AQ-nyń bas menedjeri qyzmetterin atqarǵan. Sondaı-aq «Nur Medıa» JSHS bas dırektorynyń birinshi orynbasary (2008-2010 jyldary), «Túrki akademıasy» komersıalyq emes aksıonerlik qoǵamynyń vıse-prezıdenti (2011-2013 jyldary),  «Astana EKSPO-2017» Ulttyq kompanıasy» AQ-nyń basqarýshy dırektory (04.2014-09.2014) laýazymdarynda qyzmet etken. Qazaq, orys, aǵylshyn jáne túrik tilderin jetik biledi. Túrki álemin zertteýge arnalǵan birqatar fılmniń, kóptegen ǵylymı-tanymdyq jarıalanymnyń avtory, «Mádenıet qaıratkeri» qurmet belgisiniń ıegeri. Túrkitildes memleketterdiń alǵys hattarymen marapattalǵan.