Belorýssıa prezıdenti Aleksandr Lýkashenko Reseıdiń Belorýssıa men Reseı arasyndaǵy naǵyz odaqtastyq qurýǵa daıyn emes ekendigin málimdedi dep habarlaıdy «Qamshy» aqparattyq agenttigi «Interfaks»-qa silteme jasap.

«Biz buǵan daıyn emespiz. Tipti belorýster emes, Reseı bıligi» dep atap ótti Lýkashenko.

Onyń sózinshe, eki el referendým ótkizip, ortaq zańdy qabyldaýy kerek edi. Onyń ishinde Konstıtýsıa da bar. Alaıda atalmysh ister atqarylmady.

Lýkashenko Reseı men Belorýssıa elderi eki jaqqa da tıimdi jumys isteý jaǵdaıyn qarastyrý qajet ekenin aıtady.

«Eger bizdiń kásiporyndar, tabıǵı gaz Reseımen salystyrǵanda qymbat bolsa, qandaı teń jaǵdaı týraly aıtýǵa bolady» deıdi Belorýssıa prezıdenti.

3-shi sáýirde eki el el prezıdentteri arasyndaǵy Sankt-Peterbýrgte ótýi tıis bolǵan kezdesýde, Reseı prezıdenti Vladımır Pýtın men Belorýssıa prezıdenti Aleksandr Lýkashenko kózbe-kóz eki jaqty qarym-qatynasty, gaz ben qaryzdar jaıyn talqylaýy qajet edi.

Buǵan deıin Lýkashenko Vladımır Pýtındi «týǵan aǵam» dep atap, Máskeý men Mınsk arasyndaǵy kelissózder júrgizýden bas tartqan. Al 1-shi sáýirde prezıdent Odaqtyq eldiń osaldyǵyn aıtyp, ony teń dárejede qurýdy usyndy.