Brazılıadaǵy Akrı shtatynda óz úıinen 24 jastaǵy stýdent Brýno Borhes joǵalyp ketti dep habarlaıdy Qamshy aqparattyq agenttigi tengrinews.kz-ke silteme jasap.  Tjournal málimetine sáıkes stýdent joǵalmastan buryn ózge ǵalamsharlyqpen baılanys jasamaq bolǵan. Stýdent 27 naýryz kúni joǵalyp ketkennen áli tabylmapty. Onyń týysqandarynyń aıtýy boıynsha Brýno Borhes sońǵy kezderi  belgisiz jobaǵa dep jıi aqsha surap júrgen. Brýno otbasymen birge bolǵan túski astan keıin iz-tússiz joǵalyp ketedi. Ata-anasy onyń uıaly telefonyna habarlasqan biraq onyń telefony óshirýli bolypty. Onyń anasy Borhes balasynyń buryn bundaı áreketi bolmaǵandyǵyn aıtady. Stýdenttiń bólmesindegi barlyq jıhazdardy alyp tastap, qabyrǵaǵa belgisiz bir belgiler salǵan. Keıbir sózder İnjil kitabyndaǵy úzindiler ekeni belgili boldy.

Sol sýretterdiń birinde Borhestiń ózi ózge ǵalamsharlyqpen aspan áleminde birge turǵandyǵy beınelengen. Oqıǵa barysynda ákesi kóp ýaqyt boıy onyń bólmesine kirmegendigin, balasynyń nemen aınalysyp júrgendigin baqylamaǵandyǵyn aıtqan. Sonymen birge stýdenttiń bólmesinen qolmen jazylyp, rım sandarymen nómirlengen 14 kitap tabylǵan. Eń basty ereksheliktiń biri stýdenttiń bólmesinen ıtalándyq fılosof Djordano Brýnanyń eskertkishi tabylǵan. Ata-anasy bul eskertkishtiń bólmege qaıdan kelgenin bilmeıdi jáne sońǵy ret bólmege kirgen kezde eskertkish bolmaǵan eken.

Brýnanyń joǵalýy qazir kóp adamǵa jumbaq bolyp otyr jáne kóptegen pikirler aıtylýda. Keıbir adamdardyń pikirinshe Brýnanyń bólmesindegi eskertkish «Alhımıalyq sheńberdiń túrlený» belgisine uqsaıdy. Eń qyzyǵy stýdent Djordano Brýnanyń eskerkishine aınalyp ketti degen de pikirler kezdesedi. Polısıa qyzmetkerleri tergeý barysynyń qupıa túrde júrgiziletinin habarlaǵan.