Qazaq kıno álemine «Bir sen úshin...» atty jańa týyndy qosyndy dep habarlaıdy Qamshy.kz.

Óziniń alǵashqy kınofılmi týraly rejıser Ardaq Tóleýbaı «Nazarlaryńyzǵa meniń kıno álemindegi alǵashqy qadamym, jumysym usynylyp otyr. Bárińizdi 27 saýirden bastap Kınoteatrlardaǵy kórsetilimge shaqyramyn! Taqyryp qazirgi tańdaǵy óte ózekti  otbasylyq máselelerdi qamtyǵan. Qazirgi jigitter bul kınony kórse oılanyp qalady dep oılaımyn. Jigit Qanshalyqty januıasyna ıe bola alady, túrli qıyndyqqa jolyqqanda januıasyn qalaı saqtap qalady degen máseleler kóterilgen. Qalaı bolǵanda da men  bul jumysqa bar janymdy saldym. Komandamyz úlken jumys atqardy: ystyǵyna da, sýyǵyna da shydady! Júrekten shyqqan dúnıe júrekterińizge jetse qýanyshty bolarym haq. Kıno áleminde kezdeskenshe dostar», - deıdi.

Rejıserdiń aıtýynsha Fılm negizinen Almaty qalasynda, Almaty tóńireginde, ótken jyldyń jaz maýsymynan bastap túsirilgen, qazirgi ýaqytta montaj jumystary aıaqtap, premeraǵa qyzý daıyndyq júrip jatyr. Fılmniń basty rólderin Azamat Satybaldy, Zarına Karmen, Aıjan Baızaqovalar somdaǵan.

Fılmniń kompozıtory Ushqyn Jamalbek, senarı avtory Lázzat Túlkibaeva, Qoıýshy operatory Jantaı Qydyrálıev, Qoıýshy sýretshisi Nazıra Baıbekova. Fılmniń tusaýkeseri Almaty, Astana, Qostanaı, Shymkent qalalarynda josparlanyp otyr.