Nursultan Nazarbaev Shvesıa Koroli XVI Karl Gýstavqa Stokgolm qalasynda bolǵan terrorlyq aktige baılanysty kóńil aıtý jedelhatyn joldady, dep habarlaıdy "Qamshy" aqparattyq agenttigi Aqorda baspasóz qyzmetine silteme jasap.
Jedelhatta Stokgolmdegi terrorlyq akt saldarynan adamdardyń qaza bolǵany týraly habardy Memleket basshysy zor kúızelispen qabyldaǵany aıtylǵan.
«Biz Shvesıa halqy men úkimetiniń halyqaralyq terorızmge qarsy turý nıetin qoldaımyz.
Qaza bolǵandardyń otbasylary men jaqyndaryna Qazaqstan halqynyń jáne jeke ózimniń atymnan kóńil aıtamyn. Zardap shekkenderdiń tezirek saýyǵyp ketýine tilektestik bildiremin», – delingen jedelhatta.
Esterińizge sala ketsek, 7 sáýir kúni Stokgolmde terrakt bolyp, nátıjesinde 4 adam qaza taýyp, 15 adam jaraqqattanǵan bolatyn. Júk kóligi joǵary jyldamdyqpen Drottnınggatan kóshesinde serýendep júrgen birneshe adamdy qaǵyp ótken.
