Astanada jáne respýblıkanyń shekaralas oblystarynda «EKSPO 2017» halyqaralyq mamandandyrylǵan kórmesin ótkizý qarsańynda quqyqtyq tártip pen qoǵamdyq qaýipsizdik deńgeıin arttyrýǵa, krımınogendik ahýaldy turaqtandyrýǵa baǵyttalǵan profılaktıkalyq pysyqtaý sharalary júrgizilýde,-dep habarlaıdy Qamshy aqparattyq agenttigi astana.gov.kz-ke silteme bere otyryp.
Jedel-aldyn alý sharasy (JASH) eki kezeńmen ótkizilýde, birinshi kezeń 10 sáýirde bastalyp, 20 sáýirge deıin jalǵasady.
Sharaǵa quqyq qorǵaý organdarynyń eleýli kúshteri tartylyp otyr. JASH ótkizý sheńberinde ishki ister organdarynda profılaktıkalyq tirkeýde turǵan adamdar turǵylyqty jeri boıynsha tekseriledi. Buǵan qosa, tártip saqshylary josparly negizde atys qarýy men ańshylyq qarýynyń ıelerin saqtaý jáne qaıta tirkeý erejeleri boıynsha tekserýde.
Elordalyq operatıvti shtab qala turǵyndary men qonaqtaryn quqyqtyq tártipti qamtamasyz etý boıynsha júrgizilip jatqan sharalarǵa túsinistikpen qarap, quqyq qorǵaý organdarynyń qyzmetkerlerine barynsha qoldaý kórsetýge shaqyrady.
