Zoı Lashtyń jasy 6-da. Ol dúnıege kelgende dárigerler ony bir jyldan artyq ómir súrmeıdi dep oılady. Zoıdyń ata-anasy qyzdarynyń densaýlyǵyn túzetý úshin kóp qıynshylyqty ótkerdi. Barlyǵyna týylǵannan paıda bolǵan genetıkalyq aqaý sebep.

Chelsı júktiliktiń besinshi aıynda últra dybysty tekserýden ótkende, dárigerler sharananyń san jiligi synǵanyn aıtqan. Sábı osteogenez aýrýyna shaldyqqany anyqtaldy. Dárigerler sharana shaldyqqan derttiń ekinshi deńgeıi ekenin aıtty. Mundaı jaǵdaıda perenataldi kezeńde sábıdiń shetineý deńeıi óte joǵary.

Áıelge jasandy túsik jasatýdy da usynǵan. Alaıda, Zoıdyń ata-anasy mundaı usynysqa túbegeıli qarsy boldy. Qazir olar durys sheshim qabyldaǵanyna dán rıza.

Keıinirek qyzda ekinshi emes, aýrýdyń úshinshi deńgeıi ekeni belgili boldy. Bul da adamǵa qaýipti, alaıda onymen ómir súrýge bolady.

Zoıda súıektiń qurylymy durys bolýyn qadaǵalaıtyn kollagen jetkilikti deńgeıde bólinedi. Alaıda sapasy tómen.

Zoı súıekteri synǵan kúıinde týylǵan.  Al ómirindegi  alǵashqy 30 kúnde aıaǵyn jáne eki qolyn syndyryp úlgergen. Oń qolyn eki márte syndyryp alǵan.

Balaqaıdyń tisi de qatty bekimegen. Birneshe jyl boıy tamaqtaný máselesi qıynǵa soqty. Qulaq súıekteriniń synýǵa beıimdiliginen ata-anasy ony qatty dybystardan qorǵaıdy.

Qyzdy múgedekter arbasynan kórgender, aqylynda aqaýy bar dep oılaıdy. Shyn mánisinde, Zoıdyń oılaý qabiletiniń qurdastarynan esh aıyrmashylyǵy joq.