Qyrǵyzstan depýtaty Qanybek Imanalıev qyrǵyzdar kırıllısadan bas tartyp, latyn álipbıine kóshýi kerek dep málimdedi. Bul týraly «Qamshy» aqparattyq agenttigi habarlaıdy politobzor.net-ke silteme jasap.

«Kırıllısa – bul ıntellektýaldyq mura. Árıne ony qoldanamyz. Alaıda biz eshteńege qaramastan latyn álipbıine kóshýimiz kerek. Oǵan ýaqyt pen tehnologıanyń damýy qajet» dedi depýtat.

Qanybek Imanalıev latyn álipbıine túbegeıli kóshý úshin memlekettik búdjette ázirshe aqsha joq ekenin de aıtyp ótti.

«Latyn álipbıine kóshý úshin qomaqty qarajat kerek. Bizde ondaı aqsha joq shyǵar. Alaıda biz de 2030-2040 jyldarǵa qaraı latyn álipbıine kóshýimiz kerek. Oǵan daıyndyqty qazirden bastaý kerek».

Aıta keteıik,  Qazaqstan prezıdenti Nursultan Nazarbaev «Bolashaqqa baǵdar: rýhanı jańǵyrý» atty maqalasynda Qazaqstannyń latyn álipbıine kóshetindigin jazǵan.

«Latynshaǵa kóshýdiń tereń logıkasy bar. Bul qazirgi zamanǵy tehnologıalyq orta­nyń, kom­mýnıkasıanyń, sondaı-aq, HHİ ǵasyr­daǵy ǵyly­mı jáne bilim berý prosesiniń erekshe­lik­terine baılanysty. Mektep qabyrǵasynda balalarymyz aǵylshyn tilin oqyp, latyn áripterin onsyz da úırenip jatyr. Sondyqtan, jas býyn úshin eshqandaı qıyndyq, kedergiler bolmaq emes. 2017 jyldyń aıaǵyna deıin ǵalymdardyń kómegimen, barsha qoǵam ókilderimen aqyldasa otyryp, qazaq álipbıiniń jańa grafıkadaǵy biryńǵaı standartty nusqasyn qabyldaý kerek. 2018 jyldan bastap jańa álipbıdi úıretetin mamandardy jáne orta mektepterge arnalǵan oqýlyqtardy daıyndaýǵa kirisýimiz qajet. Aldaǵy 2 jylda uıymdastyrý jáne ádistemelik jumystar júrgizilýge tıis. Árıne, jańa álipbıge beıimdelý kezeńinde bel­gili bir ýaqyt kırıllısa alfavıti de qol­danyla turady» dep jazdy Nursultan Nazarbaev.