Brıtandyq depýtattar Sırıa prezıdentiniń jary Asma Asadty Brıtanıa azamattaǵynan aıyrýdy talap etýde, dep habarlaıdy Qamshy aqparattyq agenttigi.

41 jastaǵy Asma Asad Londonda dúnıege kelip, bilim alǵan. 2000 jyly óziniń tarıhı otanyna oralyp, Bashar Asadqa turmysqa shyqqan.

Sırıanyń birinshi hanymynyń áleýmettik jelilerde akkaýnttarynda myńdaǵan oqyrmandary bar. Óz jazbalarynda ol jubaıynyń is-áreketterin jaqtaıdy jáne batystyq saıasatty synǵa alady.

Telegraph gazetiniń jazýy boıynsha, brıtandyq depýtattar: «Eger Asma Bashar Asadtyń is-áreketin jaqtaýyn toqtatpasa, úkimet ony Brıtanıa azamattyǵynan aıyrýy kerek. Nemese onyń jazbalarynyń Birikken Koróldikterge zıany joqtyǵyn dáleldeýi kerek», - dep málimdegen.

«Bizge Asadty jan-jaqty qysymǵa alatyn ýaqyt keldi. Tipti ol úshin onyń aınalasyndaǵy Asma syndy adamdardy paıdalaný kerek. Sebebi olarda áskerı qylmys jasaýshy mashınanyń bir bólshekteri», - deıdi óz sózinde konservator Nadım Zahavı.

Telegraph gazetiniń habarlaýynsha, ishki ister mınıstrligi Asma Asadty esh qıyndyqsyz azamattyǵynan aıyra alady. Sebebi onyń eki birdeı azamattyǵy bar.

Brıtanıa ishki ister mınıstrligi mundaı jekelegen jaǵdaılardy qarastyrmaıtyndyǵyn aıtqan.

Eýro odaq Asma Asadqa sanksıa jarıalaǵan bolatyn. Oǵan EO aımaǵyna kirýge tyıym salynǵan jáne barlyq qarjylyq aktıvteri buǵattalǵan. Brıtanıa azamaty bolǵandyqtan ol tek osy elge emin-erkin kire alady.

Bul taqyryp 2012 jyly da kóterilgen bolatyn. Alaıda ishki ister mınıstrligi naqty sheshimge kelmegen.

4 sáýir kúni Han-SHeıhýnde bolǵan hımıalyq jarylys bul taqyrypty qaıta qozǵaýǵa túrtki bolyp otyr. Sebebi BUU 89 adam qaıtys bolǵan shabýylǵa Bashar Asadty aıyptap otyr.