Búgin Aqordada Memleket basshysy Nursultan Nazarbaev Túrikmenstan basshysy Gúrbanǵuly Berdimuhamedulyn qabyldady, dep habarlaıdy Baq.kz.
«Túrikmenstandy, jalpy túrikmen halqyn biz ózimiz úshin eń jaqyn kórshi, áriptes jáne baýyrlas halyq dep sanaımyn. Táýelsizdiktiń 25 jylynda ózara qarym-qatynasymyz árdaıym joǵary deńgeıde boldy. Elderimizdiń arasynda eshqandaı sheshilmegen máseleler bolǵan joq. Biz qalaı qarym-qatynasymyzdy ornattyq, búgingi kúnge deıin ol sondaı deńgeıde qalyp otyr. Kórshi elmen syrtqy saıasatta yntymaqtastyq ornatyp, Túrikmenstan bastamalaryn halyqaralyq deńgeıde qoldaımyz. Kórshi el de bizdiń bastamalardy qoldap júredi», - dedi Nazarbaev.
Elbasy Túrikmenstanmen birlesken iri jobalardyń biri – Qazaqstannan Túrikmenstan men Iran arqyly ótetin temirjol - Jibek joly baǵdary ekenin atap ótti. Memleket basshysy bul jaıynda 15 mamyr kúni Beıjińde ótetin «Bir beldeý-bir jol» forýmynda egjeı-tegjeıli aıtylatynyn jetkizdi.
