Áıelder sulý bolý úshin túrli sumdyq qadamdarǵa barǵan

    Nazerke Musa
    Áıelder sulý bolý úshin túrli sumdyq qadamdarǵa barǵan

       Qaı zamanda bolmasyn áıel adamdar úshin ádemi bolý, symbatty bolyp júrý – birinshi kezekte turǵan. «Sulýlyq qurbandyqty talap etedi» demekshi, osy jolda talaı qurbandyqtarǵa barýǵa daıyn bolǵan, tipti sol qurbandyqtarynyń kesirinen zardap ta shekken.  Jáne sondaı qurbandyqtarynyń ishinde adam shoshyrlyq, jaǵa ustatarlyqtary da qanshama..

    Qamshy aqparattyq agenttigi sulýlyqtyń  ótken ǵasyrlardaǵy standarttary týraly qyzyqty derekter usynady.

    Mańdaı qyrý

    Renesans (qaıta órleý) dáýirinde qyrylǵan mańdaı men mańdaıdyń keń bolýy sánge aınalǵan. Osyǵan baılanysty qyzdardyń kópshiligi mańdaıyn qyryp júretin bolǵan. Iaǵnı, mańdaıdaǵy shashtardy alyp tastap otyrǵan. Sonymen birge, kirpiktiń bolmaýy da- sulýlyqtyń belgisi retinde eseptelgen.

    Shulyq salý

    Ekinshi dúnıejúzilik soǵys jyldarynda keıbir elderde áıeldiń aıaǵyn jalańashtap júrýi – ersi qylyq retinde qabyldanǵan. Shulyq alýdy qaltasy kótermegen áıelder aıaqtaryna boıaý jaǵyp ıllúzıa jasaǵan. Boıaýdan terilerine alergıa bergen kezder de kóp oryn alǵan eken.

    Aıaqty baılaý

    Tabannyń kishiligi –qytaı dástúrinde sulýlyqtyń belgisi bolyp eseptelgen.  XIII ǵasyrdyń ózinde qyzdardyń tabandaryn 5 jastarynan bastap baılap tastap otyrǵan. Onyń nátıjesinde taban súıegi durys óspeı, deformasıaǵa ushyraǵan. Tipti, qyzdar júre almaı qalatyndaı dárejege jetken. Alaıda sulý bolý men turmysqa shyǵý – mańyzdyraq bolǵan.

    Tyrnaq ósirý

    Ejelgi Qytaıda adamnyń tyrnaǵy qanshalyqty uzyn bolsa, ol adam sonshalyqty aqyl men parasatqa ıe dep eseptegen. Tyrnaqtary arqyly Qudaımen sóılesýge múmkindik alady degen senim bolǵan desedi.

    Qosylǵan qas

    Qalyń qastar- arıstokrattyq tekti bildirgen. Bul Ejelgi Grekıada paıda bolǵan uǵym.  Áıelderdiń kópshiligi qas syzyp, keıbireýleri qustyń mamyǵyn jabystyryp alatyn bolǵan.

    Tis egeý

    Qaıta órleý kezeńinde áıelder tek mańdaı qyrýmen ǵana emes, tis egeýmen de erekshelengen. Aldyńǵy tisteri túzý bolý úshin tisterin egegen.

    Qal/meń qoıý

    Jasandy qaldar qoıý áıelder arasynda keńinen qoldanylǵan. Salynǵan qaldary arqyly áıel adamnyń áleýmettik deńgeıin bilýge bolatyn.

    Sol jaq betindegi qal – jesir áıel. Ústińgi ernindegi qal- basy bos degendi ańǵartsa kerek.

       Qara tister

    Japonıada 5 ǵasyr boıy (XIII–XVIII) turmystaǵy áıelder tisterin qaraǵa boıap júretin bolǵan.

    Sóıleıtin qastar

    Qytaıda qyzdar qastaryn terip, julyp tastap ornyna boıaý jaǵyp qoıatyn bolǵan. Qazir de mundaı dúnelerdi kúndelikti ómirde kezdestirýge bolady. Al qytaılyq qyzdardyń qas salýdaǵy erekshelikteri- ár kúni qastary ár túrli forma (qalypta) salynatyn bolǵan. Kóńil-kúıge baılanysty qas qalpy da ózgerip otyrǵan.

      Árıne, sulý bolýdyń, symbatty bolyp júrýdiń san túrli joldary bar. Alaıda tabıǵı sulýlyqqa eshteńe jepeıtinin, eshteńe teń kelmeıtinin moıyndaý qajet.

    Qatysty Maqalalar