CPJ: Byltyr álemde 259 jýrnalıs túrmege qamaldy

    Zhazira Baidaly
    CPJ: Byltyr álemde 259 jýrnalıs túrmege qamaldy

    2016 jyly álemde 259 jýrnalıs túrmege qamaldy dep málimdedi halyqaralyq "Jýrnalıserdi qorǵaý komıteti" (Committee to Protect Journalists CPJ) uıymy "Baspasózge shabýyl 2017" dep atalatyn esebinde. Nú-Iorkte ornalasqan uıym bul san BAQ ókilderine jasalǵan shabýyldy tirkeýmen aınalysa bastaǵan 1990 jyldan bergi eń joǵary kórsetkish deıdi.

    CPJ jańa medıa tehnologıalar senzýra ornatýdy burynǵydan da qıyndata túskenin, biraq repressıvti memleketter olardy jıi qoldanady, sebebi túrmege qamalǵan jáne qaza tapqan jıýrnalıster sany artyp kele jatqanyn aıtady dep habarlaıdy Qamshy aqparattyq agenttigi centralasian.org-ke silteme jasaı otyryp.

    "Bul, shyn máninde, jýrnalıser úshin buryn-sońdy bolmaǵan eń qaýipti jáne eń qanquıly ýaqyt" dedi uıymnyń atqarýshy dırektory Djoel Sımon. Sımon uıymnyń 25 sáýirde jarıalaǵan esebinde áleýmettik medıanyń barlyq jerde baryna jáne smartfon kameralarynyń jappaı paıdalanylatynyna qaramastan, demokratıalyq emes úkimetter BAQ-ty jáne jýrnalıserdi basyp-janyshtaý áreketterin kúsheıtkenin aıtady.

    CPJ sonymen qatar sońǵy bes jylda álemde 332 jýrnalıs qaza tapqanyn, munyń da monıtorıń júrgizile bastaǵannan bergi bes jyldyq kezeńder ishindegi eń kóbi ekenin aıtady. Sımon álemde repressıvti memleketter BAQ-tyń únin óshirip, ózine baǵyndyrý úshin ýaqyty men qarjysyn kóptep jumsaı bastady deıdi. Ol sonymen qatar úkimetter aqparattyń "qıratýshy kúshin" sezine bastaǵan saıyn ákki bola túsip, "sóz bostandyǵyna tike shabýyldaı bastaǵanyn" aıtady. Onyń sózinshe, repressıvti úkimetter aqparatty basqarýǵa, baqylaýǵa jáne onymen manıpýlásıa jasaýǵa múmkindik beretin kúrdeli strategıalardy jetildirip jatyr.

     

    Qatysty Maqalalar