95 jastaǵy Denver Beddoýz óziniń 85 jastaǵy áıeli Olıvıany baltamen shaýyp óltirmek bolǵan. Olıvıa aýrýhana nemese qarttar úıinde jan tapsyrǵysy kelmegendikten, kúıeýinen ózin óltirýin ótingen. Sondyqtan sot er adamdy aqtap shyqty.

Denver Beddoýz ben Olıvıa Beddoýz 65 jyl boıy baqytty ǵumyr keshken. Denver esimdi uldary da bar. Toǵyz aı buryn Olıvıa Beddoýz jol apatyna ushyraǵan. Jol apatynyń saldarynan basyna qatty zaqym tıedi. Artynsha kúızeliske túsip, ómir súrgisi kelmegen. Óz kúıeýinen ózin óltirýin ótinip, kómek suraǵany málim bolyp otyr. Batsapqyda Denver Beddoýz tabaqpen uryp, artynsha baltamen soqqyǵa jyqqan.

Denver esimdi uldary úıine kelgen sátte qan josa bolyp jatqan anasyn kórgen. Ákesiniń bárin búldirdim dep jylap otyrǵanyn aıtty.

«Ol álemdegi eń ádemi áıel. Men bárin búldirdim. Men tipti ol úshin qylmysker atanýǵa da daıynmyn, biraq men olaı isteı almadym. Ol ómir súrgisi kelmedi. Men ony qatty jaqsy kóremin», dep jan syryn aqtardy  Denver Beddoýz.

Sot qyzmetkerleriniń aıtýy boıynsha, Olıvıa qazir emdeý ortalyǵynda. Bolǵan jaǵdaıdan keıin Olıvıanyń óz úıine jiberilmeıtini anyq. Al óz áıeline qastandyq jasaýǵa barmaǵan Denver óz úıine qaıtaryldy. Búginde jasy kelgen ákesine  uly qamqorlyq jasaýda. Balasynyń aıtýyna qaraǵanda, ákesi anasyn qatty saǵynyp, kún ótken saıyn jaǵdaıy nasharlaýda.

Aýdarǵan : Aıgerim TAÝBAI