Ýkraınadaǵy jaǵdaı týraly qazaq jýrnalıseri daıyndaǵan alǵashqy táýelsiz aqparat «TAŃ» telearnasynan kórsetiletini týraly habarlaǵan bolatynbyz. 18 qyrkúıek «TAŃ» telearnasy arnaıy baspasóz konferensıasyn ótkizip, Ýkraınadaǵy jaǵdaı týrly jasalǵan «Maıdan» atty reportajdyq fılmniń «Maıdannan maıdanǵa deıin» atty birinshi bólimi kórsetilgenin súıinshilep, «Qyrym» atty ekinshi bólimi 1-2 qazan kúnderi "TAŃ" telearnasynan kórsetiletinin habarlaǵan edi.

Jýrnalıs Qasym Amanjoluly Facebook-tegi paraqshasynda: «Qadirli dostar! "Tań" telearnasynan búgin jáne erteń, ıaǵnı 1-2 qazanda kórsetilýge josparlanǵan Ýkraına taqyrybyndaǵy "Maıdan: qazaq jýrnalısiniń kózimen" reportajdyq fılmi efırden alynyp tastaldy. Eki bólimnen turatyn ("Maıdannan maıdanǵa deıin" jáne "Qyrym") arnaıy telejobany kútken kórermen qaýymnan keshirim ótinemin...», - dep jazdy.  Fılmniń efırden alynyp tastalýy týraly suraǵan Abai.kz tilshisine Qasym Amanjol: «Men óz qolymnan kelgeniniń barlyǵyn jasadym. Belgili bir sebepterge baılanysty materıal efırden alyndy», - dep qana jaýap berdi.