Áıel-ınspektordy uryp soqqan er adam halyqtyń narazylyǵyn týdyrdy. Respýblıkalyq kólemde dúrbeleń týdyrǵan bul qylmystyń jaı-japsary belgili boldy dep habarlaıdy Qamshy aqparattyq agenttigi.

Esterińizge sala keteıik, qujatyńdy kórset dep talap etken áıel-ınspektordy Kım esimdi azamat aıamaı basynan, ishinen soqqy jasaǵan. Munyń bári vıdeoǵa túsken. Qylmys mektep mańy alańynda oryn alǵan. Munyń bári sol mekteptiń dene shynyqtyrý pániniń muǵalimi kórip turǵan. Alaıda eshkim áıel-ınspektorǵa kómekke kelmegen. Áıel-ınspektordyń bar jazyǵy – sabaqqa barmaı, aǵash kesip turǵan balanyń mektepke barýyn talap etkeni. «Meniń balam» dep ótirik aıtqan Kım ınspektordyń qujat kórsetýin talap etýin jaqtyrmaı, oǵan qarsy kúsh qoldanǵan bolatyn.

Patrul.kz-tiń jazýynsha, joǵaryda esimi atalǵan azamat buryn-sońdy sottalǵan azamat eken. Ol adam óltirgeni úshin 2007 jyly jazaǵa usynylypty.  Psıhologıalyq aýytqýy bar azamat úsh jylyn Almaty oblysyndaǵy Aqsaı eldi mekeniniń psıhıatrıalyq  aýrýhanasynda emdelipti. Qazirgi tańda qylmysker eki aıǵa ustalynyp, tergeý ızolátorynda otyr. Eger de sot-medısınalyq saraptamasynyń nátıjesinde qylmys jasaý barysynda esi durys bolǵany dáleldense, ol  5-10 jylǵa deıin temir torǵa qamalýy múmkin.  

Halyqtyń yzasyn keltirgen qylmysker óziniń is-áreketin qylmys dep sanap otyrǵan joq. Eger meni bala da tyńdamasa, balanyń da kózin kógertýge daıynmyn deıdi ol.