Avstrıa soty Feısbýk áleýmettik jelisindegi qorlaý maqsatynda jazylǵan jazbalardy óshirýdi tapsyrdy, dep habarlaıdy Qamshy aqparattyq agenttigi. Mundaı sheshimdi ǵalamtordaǵy áleýmettik medıamen kúresýshi belsendilerdiń jeńisi dep tanımyz.

Jergilikti BAQ-tyń málimetine súıensek, shaǵymdy Avstrıanyń jasyldar Partıasy túsirgen bolatyn, sebebi partıa basshysynyń áleýmettik jelidegi jazbanyń kesirinen abyroıy taptalǵan.

Venanyń apelásıalyq soty Feısbýk jelisindegi Eva Glavıshıngti qorlaý maqsatynda jazylǵan jazbalardy, toptardy óshirýge buıyrdy.

Áleýmettik jeli ókilderi sot sheshimine qatysty ázirge ún qatpady.

Jasyldar Partıasynyń depýtaty Dıter Broz Feısbýk agresıaǵa qarsy kúres úshin jaýapkershilikti arqalaý kerektigin aıtty.

Feısbýkten bólek, Twitter, Google sekildi alyp ǵalamtor jelileri agresıa týdyratyn pikirlerdi óshirip otyrmaǵany úshin kóptegen memleketterde synǵa alynǵan.

Aıta keter bolsaq, sáýirde nemis bıligi áleýmettik jelilerge 53 mln dollar kóleminde aıyppul salǵan.

Búginde kompanıa máselelermen kúresýdiń joldaryn izdestirýde. Feısbýk ókili jelidegi agerssıalar men zorlyqqa qatysty dúnıelermen kúresý úshin 3 myń adam jumyldyrylady dep ýáde etti.

Google izdeý júıesin retke keltirýge sóz berdi. Endigi joly adam ózine kerekti aqparatty izdegende Google áleýmettik jelisi agresıa týdyratyn, sondaı-aq jasandy málimetterdiń shyqpaýyn qadaǵalaıtyn bolady.  

Daıyndaǵan: Gúlim JAQAN