Álemge áıgili brend, balalardyń súıikti oıynshyǵyna aınalǵan Barbı qýyrshaǵynyń aıtarlyqtaı tarıhy bar. Atalǵan oıynshyq túri sonaý ótken ǵasyrdyń orta sheninen beri, dáliregi, 1959 jyldan beri satylyp kele jatyr. Alaıda, sońǵy jyldary bul qýyrshaqqa suranys azaıǵan. Menedjerler endi ony ótkizýdiń jańa tásilin tapqan syńaıly: qýyrshaqqa hıdjab kıgizý arqyly suranysty arttyrýǵa bolady dep sanaıdy. Bul joly hıdjabty qýyrshaqty ótkizý maqsatynda paıdalanyp otyr dep jazady Qamshy aqparattyq agenttigi islam.kz silteme jasaı otyryp. 

Ótken aıda Pıttsbýrgtiń úsh turǵyny, dáliregi, Jızel Fetterman, Safa Buharı jáne Krısten Maıklzanalar esimdi analar qyz balalarǵa «Hello Hijab» kıim úlgisine arnalǵan jańa brendti usyndy. Ol Barbı qýyrshaǵyna shaq keletin kıim úlgisi. Olardyń bul qýyrshaq túrine suranys joǵary eken. «Hello Hijab» Pıtsbýrgte jasalǵan.

«Túsken tabystyń barlyǵy, ıaǵnı, 100%-y mýltımádenıetti qorǵaıtyn uıymnyń jumysyna qoldaýǵa jumsalady»,- dedi qýyrshaqty hıdjabpen sándeýshiler. Sondaı-aq, nıgerıalyq medık Hanıfa Adamnyń Instagram áleýmettik jelisindegi paraqshasynda jıi jarıalanatyn hıdjab kıgizilgen qýyrshaǵy - Hijarbie jobasy da ǵalamtor paıdalanýshylar tarapynan qoldaý taýyp keledi. 

Daıyndaǵan: Ásel Óteshova