Rendı Djanzen atty kanadalyq er adam óziniń týǵan qyzyn, áıelin jáne ápkesin óltirgenin moıyndady dep habarlaıdy Qamshy aqparattyq agenttigi. Bul oqıǵa týraly ol óziniń feısbýk paraqshasyna jazǵan.

Onyń 19 jastaǵy qyzy Emılı daryndy aktrısa bolatyn. Biraq ol mıgrenı aýrýyna shaldyqqan. Bul aýrýmen Emılı 2 jyl boıy kúresken. Osy aýrýynyń kesirinen oqý ornyn da tastap ketýge májbúr bolypty. Emılı mektep kezden bastap bul aýrýǵa shaldyqqan eken.

Onyń ákesi qyzynyń aýrýdan qınalǵanyna shydamaǵandyǵyn jazypty. Qyzynyń qınalǵanyn kórip bul azapty toqtatý kerek dep sheshim qabyldaǵan. Emılı bul aýrýmen biraz jyldar boıy kúreskenimen eshqandaı nátıje bolmaǵan.

«Men qolyma tapanshany alyp onyń basynan atyp jiberdim, ol endi eshteńeden qınalmaıtyn perishtege aınaldy», - dep jazǵan ol óz paraqshasyna.

Keıinnen ol óz áıeli men ápkesin óltiredi.

«Sosyn men Loreldi óltirdim, sebebi onyń qyzymyzdyń ólimi týraly estigenin qalamadym»,- dep óz qylmysyn moıyndady.

«Birneshe kúnnen keıin úıge týǵan ápkem keldi. Men ony da óltirdim, sebebi onyń bul masqaramen ómir súrgenin qalamadym»,- deıdi Rendı.

Bul jazbany oqyǵan adamdar polısıa qyzmetkerlerine qońyraý shalady. Olar qylmys bolǵan úıde tergeý jumystaryn jasap, qylmyskerdi tutqyndady. Tergeý jumystary áli jalǵasyp jatyr.

Rendı óziniń osyndaı qadamǵa barǵanyna ókinedi. Biraq onyń basqa amaly bolmaǵandyǵyn aıtyp aqtalady. Bul isterine qaraǵanda ol belgili bir psıhıkalyq aýrýǵa shaldyqqan bolýy múmkin. Qansha degenmen óz qyzynyń qınalǵanyn kórý kez-kelgen adamǵa ońaı bolmasy anyq.

Aýdarǵan: Ásel Óteshova