Kóktem bastalar ýaqytta Taıland turǵyny úı sharýasymen aınalysyp júrip birtúrli dybystardy estigen, alaıda alǵashqy kúnderi mán bermegen. Biraq dybys barǵan saıyn údeı túsedi. Taılandtyq áıel munyń neniń dybysy ekenin bilmek bolyp, iri aǵashtyń mańyna qaraı jaqyndaıdy. Sondaǵy kórgeni áıeldiń jaǵasyn ustatty.

Aǵash túbinde topyraq astynan balanyń saýsaqtaryn kórgen ol birden polıseı qyzmetkerlerine habar beredi. Jerge kómilgen sábıdiń denesinde pyshaq izinen qalǵan tyrtyqtar bolǵanymen, bir ǵajaıyptyń kúshimen bolý kerek, sábı tiri bolyp shyqqan.

Polıseı qyzmetkerleri shara qoldanyp, balany aman alyp qalý úshin qoldarynan kelgeniniń bárin jasady.

Qýanyshqa oraı, bala qutqarylyp, búginde ony jas otbasy asyrap alǵan. Al sábı tolyǵymen aıyǵyp, jańa ata-anasynyń qamqorlyǵyna bólendi.

Búgingi qoǵamda bóten turmaq, óz sábıine aıaýshylyq tanytpaǵan ata-ananyń qarasy kóbeıdi. Ata-ana dep aıtýǵa aýyz barmaıdy eken. «Sábıin tastap ketti, kómip ketti, bas tartty» degen aqparat beleń alyp turǵan bul zamanda adam balasy aıýan qurly bolmaǵany kúıindiredi.

Daıyndaǵan: Gúlim Jaqan