Pekın qalasynyń ortalyǵynda adamdardyń júregin eljiretetindeı oqıǵa boldy dep jazady Qamshy aqparattyq agenttigi. Qınalǵan áke kósheniń ortasynda ish kıimmen, qolyna taıaq alyp, tizerlep turdy.Onyń janynda plakat turǵan bolatyn. Adamdar bul plakattaǵy mátindi oqymaı kete almady. Barlyǵy áke qaıǵysyn túsinip, qoldarynan kelgenshe aqsha tastap ketti. 

Plakatta:«Meni balamdy qutqarý úshin uryńyzdarshy. Oǵan kórý júıkesine baılanysty atrofıa atty dıagnoz qoıylǵan. Tezirek ota jasamaıtyn bolsaq balamyz múldem kórmeı qalady», -dep jazylǵan.

Basqa amaly bolmaǵan áke ish kıimmen kóshede turyp, 10 ıýán úshin ózin taıaqpen urýdy ótinedi. Bul ulyn aman alyp qalýdyń sońǵy joly edi. Adamdar oǵan aqsha berdi, biraq ony eshqaısysy urǵan joq.

Bul er adamnyń esimi Fan Fýdjı. Ol Qytaıdyń batys jaǵynda ornalasqan Chýnsınde turady. Onyń uly óte sırek kezdesetin aýrýǵa shaldyqqan. Ol atrofıadan basqa da genetıkalyq aýrýlarmen aýyrady eken.

Sábıge tez arada ota jasalmaıtyn bolsa, soqyr bolyp qalady. Ota jasatý úshin 100000 ıýan kerek. Bul otbasy óte kedeı bolǵandyqtan, osylaı isteýge májbúr bolǵan.

Bul oqıǵany Qytaı BAQ ókilderi jarıalap, aqshanyń artysyn jınap úlgergen. Sonymen birge Pekınnen sábıdi emdeı alatyn dáriger de tabylǵan. Biraq bul otadan keıin sábı tolyq kóre alady dep senimmen aıta almasa, kórý qabiletin azda bolsa jaqsartýǵa bolady dep sendiredi.

Ázirge jınalǵan aqsha ota jasaýǵa jetip jatyr. Qalǵan aqshany da qytaılyq áke biraz ýaqyttan keıin tabatynyna senimdi.

Sholýshy: Ásel Óteshova