Kırovtyń jýrnalısi Alóna óziniń  jarty jylda Qytaı elinde qalaı  ómir súrgeni  týraly aıtyp berdi dep jazady Qamshy aqparattyq agenttigi.

Men Kırov qalasynda dúnıege keldim. Mektep bitirgennen keıin  jýrnalısıka fakúltetine túsýge Máskeý qalasyna bardym. Ýnıversıtette oqyp júrgenimde óz mamandyǵym boıynsha jumys istep júrdim, biraq óz jumysym ózime unamady. Bir kúni Amerıkaǵa oqýǵa grant bólindi, ókinishke oraı grantty qaıtaryp aldy. Sodan bir elge oqýǵa baramyn dep sheshim qabyldadym. Qytaı eline jolym túsip baratyn boldym.

 Eń birinshi Pekın qalasynda boldym. Pekınde júrgenimde qytaı tilinde sóıleı almadym, biraq oryssha jáne aǵylshynsha sóıleı berdim. Qytaı elinde aǵylshyn tilin qytaı tili sıaqty kóp adamdar sóıleıdi dep múlde oılamappyn.

Qytaı halqy shetelderge kóp shyǵa bermeıdi, sondyqtan bolar olar bizdi sheteldikter dep ataıdy. Qytaı halqyna  ashyq júzdi, kógildir kózdi adamdar unaıdy. Men osy kelbetke saı kelemin jáne menimen jıi sýretke túskisi keledi.

Jarty jylym Qytaı elinde ótip Máskeý qalasyna barǵanymda mende kúızelis boldy. Úsh kúndeı eshqaıda shyǵa almadym. Syrtqa shyqsam maskúnem adamdar joldyń boıyn toryp júredi. Keshke júrseń qorqasyń, al Qytaıda adamdar saǵan kúlip qaraıdy jáne bári óziniń qyzyǵatyn jumystarymen aınalysyp júredi. Kishkentaı búldirshiniń ózi ýaqytpen júredi: balabaqshaǵa barý, sýret salý sabaǵyna barý, aǵylshyn tilin úırený.

Qyzyǵy Qytaıda 4 sany «ólim» degen maǵynany beredi eken.  Olar 4 sanyn uıaly telefon men mashınadan kórse qasha jóneledi. Tipti meniń turatyn úıimde 4 nemese 14 sandary joq.

«Qytaı halqy maǵan unaıdy, sebebi Qytaıda jaqsy ister qolǵa alynǵan. Egerde qytaı tilin jaqsy meńgerip jatsam qytaı er azamatyna turmysqa shyqqym keledi»,- dep Alóna óz oıymen bólisti.