«Kelin» telehıkaıasy elimizde 2012 jyldan beri kórsetilip keledi. Nebary segiz jasynda uzatylatyn qyzdyń taǵdyryn baıandaýdan bastalǵan kıno bizge ertegideı kórinedi. Alaıda bul kıno shyndyqqa negizdelip túsirilgen eken.
Úndistannyń Radjastan shtatynyń turǵyny óz ortasyndaǵy erte turmys qurý máselesin kórip, onyń kóptegen artyqshylyǵyna kýá bolady. Sóıtip muny poves etip jazýdy uıǵarady. Osy shyǵarma jelisimen túsirilgen telehıkaıa álem nazaryna iligedi.
«Kelin» telehıkaıasyndaǵy jaǵdaı búgingi tańda Úndistanda kınoda ǵana emes, ómirde de kórinis taýyp otyr. Radjastan jerinde qyzdar orta eseppen 15 jasynda turmysqa shyǵady. Kattısgar, Madıa-Pradej, Orıssa, Bıhar aımaqtarynda da qyz bala 15-19 jasynda uzatylady. Olardyń ata-analary qazaqtardaǵy besik quda bolý salty sekildi, balalardyń 1 jasynda kelisimshart jasasyp, qol qoıady.
Úndi halqy úshin erte turmysqa shyǵý tańǵalarlyq jaı emes, Hİ ǵasyrda-aq osy úrdis beleń alǵan. Sol tusta eldi jaýlap alǵan áskerler oń jaqtaǵy qyzdardy kelisiminsiz áıeldikke alǵan. Osy máselemen kúresý maqsatynda ata-analar qyzdaryn óz qalaýy boıynsha erterek turmysqa berýdi oılaǵan.
Qazirgi kezde Úndistan zańy boıynsha, erler 21 jasta, qyzdar 18 jasynda nekeli boýly kerek. Al bul zańdy pysqyryp jatqan halyq joq. Zań buzylsa, 150 eýro aıyppul salynady, túrmege jabylady. Mundaı jazalardy óteý úndilerge qıyn emes. Ata-analardyń bar oıy – qyzyn baı-qýatty shańyraqqa turmysqa berip, áleýmettik jaǵdaıyn retteý. Úndi jurtyndaǵy halyqtyń túsinigi boıynsha, qyzyn erte kúıeýge bergen ata-ana ony kıindirý, oqytý máselesinen qutylady, al jigittiń ata-anasy tegin úı kútýshige ıe bolady.
Neke qıý úshin arnaıy shirkeýge baryp, resmı tirkeý mindetti emes. Tek aýyl, aýdan qatysatyn úlken toı-mereke jasasa bolǵany. Oǵan qarsylyq bildirgen qyzdardyń quqyǵyn qorǵaý uıymdaryna qara halyq salt-dástúrdi syltaýratyp, isterin aqtap alady. «Kelin» teleserıalyn túsirgende rejıser osylaısha qyzdardyń quqyǵyn basqa jolmen qorǵaýǵa tyrysyp, halyqtyń sanasyna áser etkisi kelgen.
Derekkóz: Massaget.kz
Sholýshy: Gúlim Jaqan
