Búgin qurlyqtyq kongreste Dáýlet Bolatuly Turlyhanov Azıa kúres keńesiniń prezıdenti bolyp saılandy dep habarlaıdy Qamshy aqparattyq agenttigi szh.kz-ke silteme jasaı otyryp.

Saılaýǵa 14 úmitker qatysqan. Nátıjesinde qazaqtyń dańyqty balýany eń kóp daýys jınap, Azıa kúres keńesiniń prezıdenti bolyp saılandy.

Aıta keteıik, Dáýlet Turlyhanov búgingi tańda Qazaqstannyń grek-rım, erkin jáne áıelder kúres federasıasynyń vıse-prezıdenti qyzmetin atqaryp keledi.

Grek-rım kúresinen eńbek sińirgen sport sheberi, Qazaqstannyń eńbek sińirgen qaıratkeri, Qazaqstan jáne Qyrǵyzstan Respýblıkalarynyń eńbek sińirgen jattyqtyrýshysy. Qazaqstannyń jáne halyqaralyq týrnırlerdiń jeńimpazy, KSRO-nyń jeti dúrkin chempıony, KSRO halyqtary spartakıadasynyń kúmis júldegeri, jáne jeńimpazy, Eýropa chempıony, Álem chempıony jáne kúmis júldegeri, qola júldegeri, Álem kýbogynyń eki márte jeńimpazy, 12-shi Azıa oıyndarynyń jeńimpazy, Azıanyń eki dúrkin chempıony, 24-25-shi Olımpıadalyq oıyndarynyń kúmis, qola júldegeri bolǵan.