Erseıt Álim esimdi Facebook qoldanýshysy vıdeo jarıalady. Qyzylordadan balasyn izdep kelip, adasyp ketken anasy óz balasyna kerek bolmaı qalǵanyn aıtady. Kóz jasyna erik bergen áıeldiń qazir baratyn jeri, jeıtin tamaǵy joq eken. Ananyń zarly áńgimesin vıdeoǵa túsirip alǵan er adam, áıel biraz ýaqyttan keıin belgisiz jerge qaraı ketip qalǵanyn aıtyp, onyń balasyn izdeıtinin jazdy.

"Myna keıýanany búgin aýladan kútpegen jerden keziktirip qaldym. Adasyp kettim deıdi. Qyzylorda oblysy, Shıeli aýdanynan balamdy izdep kelip edim deıdi​. Bir apta boldy kelgenime. İsher tamaq, jatar jer joq, balam bolsa meni kerekte etpeıdi dep keıýana kóz jasyn bir syǵyp aldy. Balam Astanaǵa qurylysshy bolyp Abý Dabı plazada (Abu Dhabi plaza) jumys jasaımyn dep aıtyp edi. Balam osynda kelip bizge aıtpaı úılenip alypty dep, kóz jasyna erik berdi. Jasym 50 de deıdi. Kúıeýim erterekte qaıtys boldy dep áńgimesin jylap ary qaraı jalǵastyra ketti. Men osy balalarym úshin ekinshi ret turmys qurmadym, úlken ulym da qaıtys boldy. Arqa súıer osy balam edi, biraq bul balamdy sibir jaqtyń bir qyzy basyn aınaldyryp, úıine kirgizip alypty dep aıtady. Tas baýyr bala qalaı ǵana anasyn tastap júr eken degen oıǵa qaldym. Sosyn men keıýana ǵana osy jerden qımyldamaıdy otyra turyńyz men qazir kelemin dep, qaıta kelsem ol orynnan taba almadym. Balasynyń aty Rýslan 1995 jyly týylǵan eken. Abý Dabı plazada jumys jasaıtyn jigitter bolsa, Rýslandy tabýǵa kómektesińizdershi. Qyzylorda oblysy, Shıeli aýdanynyń týmasy. 1995 jyly týylǵan. Bireýler ana meıirimin ańsap júrse, al bul Rýslan qatyn qumartyp týǵan anasyn dalaǵa tastap júr. Jigitter!, bulaı jigit bolǵansha, ana qadirin biletin migit bolaıyqta" dep jazdy Erseıt Álim  óziniń Facebook paraqshasyna.