Ramazan – pendeniń Jaratýshysyna jaqyndaı túsetin ýaqyty dep jazady mazhab.kz. Osy múmkindikti árbir musylman jiberip almaýy kerek. Ramazan aıyna qalaı daıyndalý kerek? Osy aıda nendeı nárselerdi jasaǵan jón?
- Nıet etý.
Ramazan aıynda meılinshe jaqsy isterdi jasaýǵa nıettengenińiz maqul. Ol Quran oqý, qosymsha namazdar, sadaqa berý, meshitte namaz oqý sıaqty mindetti ári ıgi isterden bastalady. - Táýbe etý.
Alladan qatelikterińiz ben kúnálaryńyz úshin keshirim tilep, Ramazandy taza júrek pen jan tynyshtyǵymen qarsy alǵanyńyz jón. - Osy aıda jasaıtyn isterińizdiń tizimin jasap qoıyńyz.
Ár kúnińizdi bosqa ótkizbeýge tyrysyńyz. Ol amaldar ómirińizdiń barlyq salasyn qamtýy tıis: Allaǵa qulshylyǵyńyz, bilim, jumys, qoǵam, týǵan týys, otbasy, densaýlyq jáne t.b. - Aldaǵy Ramazan kelip jetkenshe ótken orazańyzdyń qazasy bolsa óteńiz.
- Orazaǵa «jattyǵý» jasańyz.
Aǵzańyzǵa birden tamaqtan tyıylý qıyn bolady, sondyqtan tamaqtyń mólsherin azaıtyp otyryńyz. Kez kelgen bir kúni oraza ustap «jattyǵý» jasap kórińiz. Qýyrylǵan, maıly jáne ashshy taǵamdardy, kofe men gazdalǵan sýsyndardan bas tartyńyz. Olar densaýlyqqa óte zıandy. - Eger bereshekterińiz bolsa olardan qutylyp, bitpegen jumystaryńyzdy tezirek aıaqtaýǵa tyrysyńyz. Sonda oıyńyz bólinip, alańdamaı Ramazanǵa esh ýaıymsyz daıyndalatyn bolasyz.
- Taǵy bir mindetti nárse – eski, kereksiz zattardan arylyp, úıińizdi muqıat tazalap, jınaǵanyńyz durys.
Qasıetti Ramazan aıyn jaqsy ótkizýimiz úshin Alla bizge mol qaırat, bilim men ıman bersin!
