Bul týraly «31 arna» habarlady. Elimizde terroızmmen kúreske baılanysty zańdar kúsheıtiledi. Soǵan baılanysty endi lańkesterge Qazaqstanǵa  keler jol múlde jabylady. Bas prokýratýra daıyndap jatqan jańa zańǵa sáıkes, terorızm jáne ekstremızmge qatysy bar sheteldikter el aýmaǵyna kirgizilmeıdi. Bul mindet Ulttyq qaýipsizdik qyzmeti moınynda. Al otandastarymyzdyń ózge elge baryp lańkesterdiń qataryna qosylmasy úshin, quqyq qorǵaýshylar shekara asatyn kezde mundaı áreketke barǵandardyń qatań jazalanatynyn eskertpek. Buǵan deıingi zańnamalarda mundaı bap qarastyrylmaǵan eken. Qazirgi tańda Sırıa syndy shıelenis bolyp jatqan elderde áskerı qaqtyǵystarǵa atsalysyp jatqan azamattarymyz burynǵy zań boıynsha jaýapkershilikke tartylady.

Bas QR prokýrorynyń orynbasary Jaqyp Asanovtyń málimdeýinshe keler jyldan bastap terorıstik jáne ekstremıstik uıymdardyń tizimi elimizde qaıta jasaldy. Tizimdi arnaıy quzyrly organ júrgizetin bolady. Oǵan barlyq qoljetimdilik qamtamasyz etiledi. Onda ekstremızmge, terorızmge qatysy bar degen kisilerdiń tolyq tizimi bolady.

Qamshy-aqparat