Qazaqstannyń Dúnıejúzilik Saýda Uıymyna  jaqyn ýaqytta múshe bolady. Bul týraly búgin Parlament Senatynyń jalpy otyrysynda QR Ulttyq ekonomıka mınıstri Erbolat Dosaev málimdedi. QazAqparat jazǵandaı, qazirgi tańda Qazaqstan Dúnıejúzilik saýda uıymyna kirý barysyndaǵy kelissózderdiń sońǵy satysyn júrgizýde. Soǵan saı Qazaqstannyń qatysty taraptarmen kópjaqty jáne ekijaqty kelissózderi belsendi júrip jatyr.

«Eýropa Odaǵy jáne AQSH-qa baılanysty eki negizgi másele bar bolatyn. Sonyń ishinde Eýropa Odaǵy boıynsha máseleler sheshildi dep aıtýǵa bolady. Jaqyn aralyqta ekijaqty kelisimge qol qoıatyn bolamyz. Sonymen qatar, kópjaqty máseleler boıynsha, sonyń ishinde aýyl sharýashylyǵyn qoldaýǵa qatysty suraqtar da birjaqty yńǵaılanyp qaldy deýge bolady», - dep jaýap bergen depýtattar suraǵyna mınıstr Dosaev.

Onyń aıtýynsha, qazirgi tańda DSU-ǵa qosylǵan Reseı tarapynan oryn alǵan kedergiler eńserilgen.  «Osyǵan oraı, aǵymdaǵy jyldyń sońyna deıin kelissózder belsendi túrde júrgizilse, sonyń nátıjesi boıynsha Qazaqstannyń DSU-ǵa naqty qaı ýaqytta kiretini de aıqyn bolady», - dedi Erbolat Dosaev.

Qamshy-aqparat