Ananyń balasyna degen mahabbaty sheksiz. Ol tek qıyn sátte qoldaý kórsetip, janyńnan tabylyp qana qoımaı, qandaı jaǵdaı bolmasyn baýyr eti balasyn tastamaıdy. Oǵan oqyrman nazaryna usynyp otyrǵan myna oqıǵa taǵy bir dálel.
1988 jyly Szoý Hongán esimdi qytaılyq áıel ul balany dúnıege ákeledi. Sábı kóptegen aýytqýshylyqtarmen dúnıege keldi. Onda mıdyń sal aýrýy baıqalǵan. Dárigerler sábıdiń ómir boıy múgedek bolyp ótetinin, sondyqtan sábıden bas tartýǵa keńes beredi. Olar bala ózgeniń kómeginsiz ómir súre almaıtynyn, sonyń saldarynan qatty qınalatynyn aıtqan. Alaıda Szoý Hongán balasyn baǵyp-qaǵýǵa sheshim qabyldady.
Bastapqy kezde Szoý baladan bas tartqan ákesimen ajyrasyp ketti. Búkil ómirin jalǵyz balasyna arnady. Áıel bir ýaqytta úsh jerde jumys istedi. Bos ýaqytynda balanyń ıntelektýaldyq deńgeıin ósirip, logıkasyn damytatyn túrli oıyndar oınady.
Ol tipti balasyna tamaq jeýge arnalǵan taıaqtardy ustaýdy úıretti. Bastapqy kezde balanyń qoly álsiz bolǵany sonshalyq qolyna zat alýy múmkin emesteı kórindi. Szoý Hongánnyń aıtýynsha, balasy ózin qoǵamda jaqsy seziný úshin qoldan kelgenniń barlyǵyn jasaǵanyn aıtady.
29 jyldan keıin Dın naǵyz anasynyń qamqorshysyna aınaldy. Ol Pekın ýnıversıtetin támámdap, arnaıy baǵdarlama arqyly Garvard ýnıvesıtetine tústi. Szoý Hongán balasyn maqtan tutatynyn aıtady.
Osydan ananyń mahabbaty kez-kelgen dertten aıyqtyra alatyn qasıetke ıe degen oıǵa kelesiń.
Sholýshy: Ásem Álmuhanbet
