Adamdar Ebbı men Izabel Karlson esimdi egizderdiń ómiri 10 jyl buryn qyl ústinde bolǵanyn bile bermeıdi. Olar sıam egizderi bolǵan. Qyzdardyń ishteri bir-birine jabysyp týylǵan.

Maıo klınıkasynyń dárigerleri Ebbı men Izabelge operasıa jasady. Bul qyzdardyń aman qalýynyń jalǵyz joly edi. Egizderdiń ata-anasy qaýipti sheshim qabyldady.

Atalmysh klınıkanyń dárigeri Krıstofer Moıer operasıa jasamas buryn kardıolog, anestezıolog jáne hırýrgtarmen keńesti. 2006 jyldyń 12-shi mamyrynda qyzdarǵa operasıa jasaldy. Ota sátti ótti. Eki aptadan keıin ata-anasy qyzdardy úılerine alyp kete aldy.

Qazir qyzdardyń jaǵdaıy jaqsy. Olar basqa balalar sekildi mektepke barady, óz qyzyǵýshylyqtary bar. Egizder gımnastıkaǵa barady. Dostary da kóp. Qyzdar ekeýin qosyp, kópshe túrde aıtqandy unatpaıdy eken.

Árıne egizderdiń bir denede ómir súrgen ýaqyty esterinde joq. Alaıda ol týraly jýrnalıser únemi eske salyp turady eken. Sonymen qatar, Izabel men Ebbıde «Mıllıonnyń ishindegi biregeıi» degen tumary bar.

Qyzdar ekeýin operasıa arqyly bólgenimen bir-biriniń arasyndaǵy baılanys óte kúshti ekenin aıtady. Ekeýi bir-birin birden túsinedi eken jáne birdeı oılaıtyndaryn baıqaǵan.

Daıyndaǵan: Ásem Álmuhanbet