Atyraý oblystyq qylmystyq ister jónindegi mamandandyrylǵan aýdanaralyq sotynda Qarajigitov atyndaǵy №16 mektepte oryn alǵan kisi ólimine qatysty is aıaqtaldy, dep habarlaıdy Qamshy aqparattyq agenttigi 365info.kz-ke silteme jasap. 

Sotta habarlaǵandaı, zardap shekken mektep muǵalimi men ony óltirgen santehnık mektep ǵımaratynda otyryp ishimdik ishken.  Artynsha   eki er adam sózge kelip, arty  tóbelespen jalǵasqan. Dene shynyqtyrý pániniń muǵalimi bokstyń tásilderin paıdalanyp santehnıkti  soqqyǵa jyǵa bastaǵan. 

Osylaısha, olardyń arasynda janjal týyndap, nátıjesinde ashýlanǵan santehnık ony aıaq kıim baýymen býyndyryp óltirgen.

Saldarynan, sot santehnıkti Qazaqstannyń Qylmystyq kodeksiniń 99-baby, 1-bólimi boıynsha segiz jylǵa bas bostandyǵynan aıyrý týraly úkim shyǵardy.

Sot  Atyraý oblysynyń ákimine jumys ornyndaǵy tártipsizdiktiń oryn alýyna baılanysty eskertý jasady. 

Alaıda sot úkimi zańdy kúshine engen joq.

Sholýshy: Aıgerim Taýbaı