Qytaıda úıinde jalǵyz qalǵan 5 jasar bala ákesine tıesili aqshany taýyp alyp, jalpy somasy 500 myń ıýándyq kýpúralardy áp-sátte jyrtyp tastaǵan.

 Bul týraly Qamshy aqparattyq agenttigi Sohu.com-ǵa silteme jasap habarlaıdy.

Bul qarajat shamamen 10 myńǵa jýyq AQSH dollaryn quraıdy. Al jergilikti bankter jyrtylǵan kýpúralardy jańasyna aýystyryp berýden bas tartqan. Onyń basty sebebi, qaǵaz aqshanyń barlyǵy jyrtylyp qalǵan.  Jaqyn mańdaǵy bankterdiń baryǵyna jyrtylǵan qaǵaz aqshamen barǵan Gaonyń áreketi óz nátıjesin bermedi. 

 Oqıǵa Sındao qalasyna qarasty Shandýn provınsıasynda 20 mamyr kúni bolǵan.

Bank qyzmetkerleri aqshanyń jyrtylǵanyna baılanysty aıyrbastaýdan bas tartqan.  Gao aldymen jyrtyq 100 ıýándyq aqshalardy jelimdep biriktirmek bolǵan. Birneshe ýaqyttan keıin bul oıynyń is júzinde múmkin bolmaıtyndyǵyn túsingen. Sebebi kýpúralardyń kóbi jartylaı emes, 5-6 bólikke aıyrylǵan bolyp shyqty. Al aqshanyń negizgi bóligi birneshe usaq bólikke jyrtylyp, bul az degendeı, bári aralasyp shatasyp ketken eken.

Nátıjesinde Gao banknottardyń tek sanaýly bóligin ǵana qalpyna keltire alǵan.

 Er adam balasynyń ádeıi jasamaǵanyn jáne ulyn bul áreketi úshin qatty jazalamaıtynyn aıtty.
 

Sholýshy: Aıgerim Taýbaı