Kerala shtatynda qyz ózin zorlaǵan 54 jastaǵy svamıdiń (Úndistandaǵy qurmetti dinı tıtýl) jynys múshesin kesip tastaǵan, dep jazady Qamshy aqparattyq agenttigi life.ru-ǵa silteme jasap.

Harı Svamı esimdi 54 jastaǵy er adam qyzdyń otbasyna ózin dinı qyzmetker retinde tanystyrypty. Buǵan sengen qyzdyń ata-anasy onyń úıine erkin kirýine ruqsat bergen.

Dárigerlerdiń aıtýynsha er adamnyń jynystyq múshesin qalpyna keltirý múmkin emes. Suraý alý kezinde jas áıel er adamnyń ózin mektepte oqyp júrgen kezinen bastap zorlap kele jatqanyn aıtqan. Er adam onyń úıine qyzdyń aýrý ákesi úshin duǵa etý úshin jıi keledi eken.

Qyz óziniń aıtqanyna jurt senbeıdi dep oılap, aqyrynda zorlyqshyǵa pyshaqpen qarsylyq kórsetken. Tergeý kezinde zorlyqshynyń eshqandaı dinı qaýymdastyqqa qatysy joq ekeni anyqtalǵan.

Búginde zorlyq kórsetken er adamnyń  jaǵdaıy birqalypty. Onyń ústinen "zorlyq jasaýǵa árekettený" baby boıynsha qylmystyq is qozǵaldy.