Áıelderdiń quqyǵy búgingi tańda kóp talastar men pikirler týdyratyn shıelenisti másele. Qoǵamda femenıstik kózqarastaǵy áıelder qaýymy kóbeıip keledi. Er azamattarǵa degen senimsizdik pen qorqynysh osyǵan sebep bolyp otyr. 

Kúndelikti ómirde, jańalyqtardan áıelderge jasalatyn turmystyq zombylyq týrasynda kóp estımiz, tipti kózben kórip jatamyz. Statısıkaǵa súıensek álemde 35% áıel kúıeýleriniń tarapynan zorlyq áreketteriniń qurbany bolyp jatady. Osyndaı jaǵdaılarmen  betpe-bet keledi. Álemdik densaýlyq saqtaý uıymy  álemdegi túrli elderden 24 myń áıelden alynǵan saýalnama nátıjesinde  áıel zorlyǵy 15%  dep anyqtady. Qyzdar men áıelder zorlyǵy úlken qıyndyqtar týǵyzatyn qoǵam men otbasy damýyna zardap ákeletin óte názik másele. Álemde 603 mıllıon áıel otbasyndaǵy zorlyq qylmys bolyp eseptelmeıtin elderde turady. Álemdik statısıka boıynsha, 10 áıeldiń 6-aýy fızıkalyq nemese jynystyq zorlyqtyń qurbany bolady. 

Jaqynda ǵana osyndaı zorlyq áreketi  AQSH-tyń Ogaıo shtatynda kórinis tapqan. «Makdonalds» fastfýd restorany qyzmetkerleri sumdyq jaǵdaıǵa kýá bolǵan dep jazady Qamshy aqparattyq agenttigi. Restoran aldyna ishine balalar lyq tolǵan mashına toqtap, qolynda balasy bar  ábden shoshynyp qalǵan áıel qyzmetkerler kózine túsken.

Ol kólik oryndyǵynan sekirip túsip balasyn tanys emes qyzmetkerlerge usyna bastaǵan. Sol kezde qasyndaǵy serigi ony qýyp jetip kólik ishine zorlyqpen kirgizip kólikti aıdap ketken. Makdonalds qyzmetkerleri  áıeldiń tek aıqaılaǵan daýsyn ǵana estip úlgergen. Balaly áıel olarǵa  qutqarý qyzmetine habarlasýyn ótinip úlgergen.

Keıinirek, kóliktiń ishinde kóp balaly Djessıka Ýılson men onyń kishkene ulynyń ákesi Krostı Levınskı bolǵandyǵy anyqtaldy. Ol Djessıkanyń páterine qalaǵan ýaqytynda kelip ony opasyzdyq úshin kinálap uryp soǵatyndyǵy belgili bolǵan. Ony áıeldiń denesindegi jaraqattar men kógergen izder,kesilgen denesi dáleldegen.

Osy oqıǵadan keıin Levınskı ustalyp 20 jylǵa bas bostandyǵynan aıyrylǵan. 

Shyǵys elderiniń bir qatarynda áıel quqyǵynyń tómendep ketýi men sol elderdiń názik jandylarynyń zombylyqqa jıi kezigetinine baılanysty BUU tarapynan genderlik teńdik máselesi kóterildi. Onyń maqsaty Lıvıa, Pákistan, Sırıa sıaqty birqatar elderde áıel quqyǵyn kóterý boldy. Tek qana atalǵan elder emes búkil álemde turmystyq zorlyq kún saıyn oryn alýda. Bir Reseıdiń ózinde bir jylda 14000 áıel zorlyq zombylyq áreketterinen qaza tapqan. Al Qazaqstan «Cato Institute» uıymynyń 2016 jylǵy reıtıńisinde áıelderdi zorlyqtan qorǵaý boıynsha  alǵashqy ondyqqa kirgen. 

Daıyndaǵan: Nazerke MUSA