Bir kúni iri tabıǵın ǵalymy Hasan Basrıge bir adam kelip, qyzynyń soqyr bolyp qalǵanyn aıtady dep jazady Qamshy aqparattyq agenttigi muslim.kz-ke  silteme jasaı otyryp.

–  Áı, ımam, meniń qyzym kúni-túni Qudaıdy oılap kóp jylaıdy. Tipti, qos janary sýalyp ketti. Baspaǵan jerim, barmaǵan taýym joq. Eshkim emdeı almady, – deıdi.

–  Meni ertip bar, – dedi Hasan Basrı, – jolyǵyp kóreıin.

Ekeýi úıge jetedi. Shynymen de qyzy sý qarańǵy soqyr eken, ózi jylap otyr. Hasan Basrı muny kórgende:

–  Qyzym, nege jylaı beresiń? Tipti eki kózińnen de aıyrylypsyń ǵoı, – deıdi.

–  Eki sebepten soqyr boldym, – depti qyz, – birinshisi, eger bul kózben aqyrette Allanyń jamalyn kóre alsam, qazirgi kórgen dúnıe sonyń jolynda sadaqa bolsyn. Ekinshiden, aqyrette bul kózben Allanyń nur dıdaryn kóre almasam, onda munyń maǵan ne keregi bar? Ondaı kózdiń barynan da joǵy jaqsy, – deıdi. 

Buny estigende, Hasan Basrı qyzdyń ákesine qarap:

–  Sen meni bul jerge aqyl aıt dep ákelgenimen, aqylgóı qyzyńnan naǵyz danalyq sóz estitkizdiń. Mundaı kókirek kózi ashyq adamdarǵa jaı kózdiń keregi de bola qoımas, – degen eken.