Qazaqstanda Ebola qyzbasynyń tabıǵı oshaqtarynyń tamyr jaıýy jáne epıdemıalyq taralýy úshin eshqandaı jaǵdaılar joq. Nur.kz-tiń jazýynsha, bul týraly Ulttyq ekonomıka mınıstrligi Tutynýshylar quqyǵyn qorǵaý komıtetiniń tóraǵasy Álıaqpar Mátishev málim etti.

"Qazaqstanda Ebola qyzbasynyń tabıǵı oshaqtarynyń tamyr jaıýy jáne epıdemıalyq taralýy úshin eshqandaı jaǵdaılar joq. Eger qandaı da bir qaýip tóne qalsa, bizdiń medısınalyq mekemelerimiz vırýsty juqtyrǵan adamdy dereý anyqtap, ony oqshaýlap, emdeýge daıyn tur", - dep habarlaǵan komıtet tóraǵasy jýrnalıserge. Komıtet tóraǵasynyń aıtýynsha, elimizge shetelderden Ebola vırýsynyń kirip ketpeýin qamtamasyz etý úshin qajetti sanıtarlyq-epıdemıaǵa qarsy sharalar kesheni jasalǵan. Shekaralardaǵy barlyq ótkizý aýmaqtarynda sanıtarlyq-karantındik baqylaý kúsheıtilgen.

Dúnıejúzilik Densaýlyq Saqtaý Uıymynyń málimetterine súıensek, 10 qazandaǵy jaǵdaı boıynsha Ebola vırýsyn juqtyrǵan 8399 adam tirkelgen. Olardyń 4033-i qaıtys boldy. Bul aýrýdyń naqty emi ázirge tabyla qoımady.

Qamshy-aqparat