Jaqynda Barnaýlda buryn-sońdy bolmaǵan jaǵdaı oryn aldy dep jazady Qamshy aqparattyq agenttigi. Altaıdyń perınataldi klınıkasynyń mamandary kelip túsken júkti áıeldi qarap shyǵyp, óz kózderine ózderi senbedi.
Sharana 41-shi aptaǵa deıin jatyrda emes, qursaq qýysynda bitken. Dárigerler birden áıelge operasıa jasady. Ýaqyt ótkizip alsa ólimge alyp kelýi múmkin edi.
Álemde mundaı onshaqty oqıǵa bolǵan. Sondyqtan dárigerler osy jaǵdaıǵa daıyn boldy.
Júkti áıelge ota jasaı otyryp, táýekelge bel býdy. Sebebi qatty qansyraýdan áıel men onyń balasynyń ómirine qaýip tóndi. Olardyń baqytyna oraı, hırýrg óte tájirıbeli ári bilikti maman boldy. Ol operasıany sátti jasap shyqty.
Dárigerler áıeldiń týylǵannan jatyr moınynyń damýynda aqaý bolǵan dep boljaıdy. Embrıon aǵzadaǵy qaldyqty múshege jabysyp, ol jarylǵannan keıin qursaq qýysyna túsken.
Anasynyń baqytyna oraı qan ketpedi. Sebebi onyń ornalasqan jeri men kólemine baılanysty qansyrap ólimge deıin alyp kelýi múmkin edi.
Dárigerler deni saý balany dúnıege alyp kelý úshin qandaı kúsh jumsaǵanyn eskere otyryp, qyzyn Veronıka dep atady. Grek tilinen aýdarǵanda «Jeńis alyp keledi» degen maǵyna bildiredi.
Qazir ana men balanyń jaǵdaıy jaqsy. Ómiri men densaýlyǵyna eshqandaı qaýip tónip turǵan joq. Sábı anasymen bir palatada jatyr.
Daıyndaǵan: Ásem Álmuhanbet
