Shymkent qalasynyń 11 móltek aýdanynda týǵan ákesi balasyn kúrekpen soqqynyń astyna alyp jatqan vıdeosy jelide paıda boldy , dep habarlaıdy Qamshy aqparattyq agenttigi. 

Jelini shýlatqan sýret pen vıdeoda  týǵan ákesi 4 jastaǵy balasyn  avtokóliktiń rezińke dóńgeleginiń ortasyna shyǵa almastaı etip qoıyp,  kúrekpen basynan qaıta-qaıta urýmen bolady.  Bul qatigezdiktiń kýágerleri eshteńe aıtpastan jaı ǵana tamashalap tur. Vıdeony jibergen kisi óz esimin qupıa ustap otyr. Jiberýshiniń aıtýy boıynsha, ákesiniń qatigez áreketteri kún saıyn qaıtalanyp otyrady eken. Bir kúni basyn kirpishpen ursa, kelesi kúni mazaq etýdiń, qorlaýdyń basqa túrlerin taýyp otyrady eken. 4 jastaǵy beıkúná búldirshinniń denesiniń saý jeri qalmaǵan. Kók ala qoıdaı sabap bolǵan soń, qantalap , kógergen jerlerin ketirý úshin saǵattar boıy sýyq sýdyń astynda turýǵa májbúrleıdi eken.

Vıdeodan bólek kelip túsken sýretterge qarasaq ákesiniń bul áreketi jazalaý ekeni baıqalady. Belgili bolǵan málimetterge súıensek, balanyń  anasy qaıtys bolǵan . Al búldirshin ákesimen birge turady.

 İshki ister departamentiniń qyzmetkerleri atalǵan is oryn alǵan aımaqqa jiberildi. 

Daıyndaǵan:  Aıgerim TAÝBAI